ટૂર્નામેન્ટ:15 મહિલાઓએ 64 ઓવર બોલિંગ કરીને 26 પુરુષોને આઉટ કરી દીધા

ગુજરાત ડુપ્લેક્સ ક્રિકેટ એસોસિએશન દ્વારા ગુજરાત નેશનલ લૉ યુનિવર્સીટી ખાતે રાષ્ટ્રીય કક્ષાની ડુપ્લેક્સ ટેનિસ ક્રિકેટ ટૂર્નામેન્ટ યોજાઇ હતી. આ ટૂર્નામેન્ટમાં આંધ્રપ્રદેશ, તેલંગાણા, રાજસ્થાન, ઉત્તર પ્રદેશ, ગુજરાત, મધ્ય પ્રદેશ અને મહારાષ્ટ્રની એમ કુલ 5 ટીમો રમી હતી. ફાઇનલ મેચમાં મધ્ય પ્રદેશની ટીમ સામે યુ.પીની ટીમ પહોંચી હતી. જેમાં મધ્યપ્રદેશની ટીમ 5 વિકેટે વિજેતા બની છે. આ સિરિઝમાં દરેક ટીમમાં 3 મહિલા ખેલાડીઓ અને 8 પુરુષ ખેલાડીઓ રમ્યાં હતાં. ફાઇનલમાં મધ્યપ્રદેશની મહિલા ખેલાડી સાક્ષીએ 3 ઓવરમાં 5 રન આપી 2 વિકેટ લીધી હતી. કુલ 15 મહિલાએ 32 મેચમાં 64 ઓવરમાં 26 પુરુષોની વિકેટ લીધી હતી.

ડુપ્લેક્સ સિરિઝમાં મહિલા ખેલાડીઓએ સારુ પ્રદર્શન કર્યું હતું. ટૂર્નામેન્ટમાં મધ્ય પ્રદેશની સાક્ષીએ 9 ઓવરમાં 22 રન આપીને 6 વિકેટ લઇને વુમન ઓફ ધ સિરિઝ બની હતી. મધ્ય પ્રદેશના સૌમિતે આખી સિરિઝમાં 12 વિકેટ લઇને 116 રન બનાવી મેન ઓફ ધ સિરિઝ બન્યાં હતાં. જ્યારે ટીમ ગુજરાતમાંથી બેસ્ટ બેટ્સ મેન ધવલ પટેલ બન્યાં હતાં. તેમણે સિરિઝમાં સૌથી વધુ 160 રન બનાવ્યાં હતાં.