• Gujarati News
  • Local
  • Gujarat
  • Ahmedabad
  • 130 Schools Dropped Out Of Government Slab Of 15 To 30 Present Fees, Demanded 20 Per Cent Increase In Fees, Burden On 65 Thousand Parents Will Increase

ભાસ્કર એક્સક્લુઝિવ:130 સ્કૂલો 15થી30 હાજર ફીના સરકારી સ્લેબમાંથી બહાર નીકળી ગઈ, 20 ટકા ફીનો વધારો માંગ્યો, 65 હજાર વાલી પર ભારણ વધશે

અમદાવાદએક મહિનો પહેલાલેખક: અનિરુદ્ધસિંહ પરમાર
  • કૉપી લિંક
ફાઈલ તસવીર - Divya Bhaskar
ફાઈલ તસવીર
  • ગત વર્ષે 1781 સ્કૂલે એફિડેવિટ કરી હતી જે ઘટીને આ વર્ષે 1651 થઈ
  • AC સહિતના સાધનોની ખરીદીથી મરામત સુધીનો ખર્ચ બતાવી સ્કૂલોએ એફિડેવિટના બદલે વધુ ફી માટે દરખાસ્ત કરી

ગરીબ અને મધ્યમ વર્ગના વાલીઓ પર ફીનું ભારણ વધશે. અમદાવાદમાં સરકારી ફી સ્લેબના 15 હજાર, 25 હજાર અને 30 હજારનો સ્વીકારી કરનારી સ્કૂલોની સંખ્યામાં આ વર્ષે 130 સ્કૂલોનો ઘટાડો નોંઘાયો છે. વર્ષ 2021-22માં એફિડેવિટ કરનારી સ્કૂલોની સંખ્યા 1,781 હતી, વર્ષ 2022-23 માટે આવેલી એફિડેવિટ કરનારી સ્કૂલોની સંખ્યા 1,651 છે.

કોરોનામાં સ્કૂલોના ખર્ચમાં વધારો અને દર વર્ષે 10 ટકા ફીમાં થતા વધારાથી સ્કૂલો સરકારી સ્લેબમાંથી બહાર નીકળી જતા હવે આ સ્કૂલોએ દરખાસ્ત કરી છે. ઝોન એફઆરસી દ્વારા અમદાવાદની સ્કૂલો પાસેથી 2022-23 માટેની દરખાસ્ત અને એફિડેવિટ મગાવી છે. એફિડેવિટ કરનારી સ્કૂલોની સંખ્યામાં આ વર્ષે મોટો ઘટાડો નોંધાયો છે. જે સ્કૂલોએ એફિડેવિટની જગ્યાએ દરખાસ્ત કરી છે કે તે તમામ સ્કૂલોએ 10 ટકા કરતા વધારેનો વધારો માગ્યો છે. સ્કૂલ સંચાલકોએ અત્યાર સુધી વિવિધ વસ્તુઓ પર કરેલા ખર્ચ પણ પોતાની દરખાસ્તમાં જોડ્યા છે.

પ્રથમ વખત દરખાસ્ત રજૂ કરનારી સ્કૂલે વસાવેલી વસ્તુનો ખર્ચ FRCમાં રજૂ કર્યો

એર કંડિશનર

20,52,746
બિટલ ફોન13,320

બ્લેક બોર્ડ

2,34,634

સીસીટીવી

6,79,875

કમ્પ્યુટર

19,14,958

કોઉન્ટિંગ મશીન

13,412

ઈલેક્ટ્રિકલ ઇક્વિપમેન્ટ

3,77,744

ફાયર સેફ્ટી ઇન્સ્ટ્રુમેન્ટ

2,32,335
ફર્નિચર14,46,271

લેબોરેટરી ઇક્વિપમેન્ટ

3,08,808

મોબાઇલ એકાઉન્ટ

36,550

મ્યુઝીકલ ઇન્સ્ટ્રુમેન્ટ

61,072

પ્લાસ્ટિક ચેર

1,59,885
પ્રોજેક્ટર41,625

આરઓ પ્લાન્ટ

70,670
રમકડા9,57,894

એક સ્કૂલે આખા વર્ષનો 75 લાખનો ખર્ચ રજૂ કર્યો

વિગતખર્ચખર્ચ

સેલરી-એલાઉન્સ

47,50,000

બિલ્ડિંગ રેન્ટ

11,75,000

લાઇટ બિલ

45,230

એક્ટિવિટી ખર્ચ

1,22,600

મેઇન્ટેનન્સ ખર્ચ

2,37,890
બુક્સ44,000

ટ્રાન્સપોર્ટેશન

18,690

હાઉસ કીપિંગ

4,80,000

એક્ઝામિનેશન ખર્ચ

3,37,720

​​​​​​​

રજૂ થયેલી એફિડેવિટ
​​​​​​​

વર્ષ2021-222022-23
સ્કૂલોની સંખ્યા17811651

​​​​​​​

સ્કૂલોના ખર્ચના આધારે ફી નક્કી કરવામાં આવશે
​​​​​​​ફી નક્કી કરવા માટે પહેલીવાર એફિડેવિટમાંથી દરખાસ્ત કરનારી સ્કૂલોએ 15 હજારથી સીધો 17થી 18 હજાર સુધીનો વધારો માગ્યો છે. આ સાથે સંચાલકોએ અત્યાર સુધીમાં સ્કૂલમાં વસાવેલી વસ્તુનો ખર્ચ અને હિસાબો રજૂ કર્યા છે. ટૂંકમાં સ્કૂલના ખર્ચના આધારે ફી નક્કી થશે.

શિક્ષકોનો પગાર વધ્યો નથી પણ ફી વધારાનો લાભ સ્કૂલોએ લીધો છે
એફિડેવિટ કરનારી સ્કૂલોની સંખ્યામાં ઘટાડાની સૌથી મોટી અસર મધ્યમ અને ગરીબ વાલીઓ પર થશે. શિક્ષકોના પગારમાં તો વધારો થયો નથી, હા અમુક ચીજોના ભાવ વધ્યા છે. પરંતુ દર વર્ષે ફી વધારાના નિયમનો લાભ સ્કૂલ સંચાલકોએ લીધો છે.

સરકાર દ્વારા એફઆરસી લાગુ થતા ધોરણ 1થી 8 માટે 15 હજાર, 9થી 12 માટે 25 હજાર, ધોરણ 11 - 12 સામાન્ય પ્રવાહ માટે 25 હજાર, જ્યારે કે ધોરણ 11-12 વિજ્ઞાન પ્રવાહ માટે 30 હજારનો સરકારી સ્લેબ નક્કી કરવામાં આવ્યો હતો.

સરકારી સ્લેબનો સ્વીકાર કરનારી સ્કૂલોએ એફિડેવિટ કરવાનું રહેશે. જ્યારે કે સરકારી સ્લેબનો સ્વીકાર ન કરી દરખાસ્ત કરનારી સ્કૂલોએ માગેલી ફી પ્રમાણેના ખર્ચનો ઓડિટ રિપોર્ટ આપવાનો રહેશે. એફઆરસીના સભ્યો સ્કૂલે આપેલા ખર્ચ પરથી સ્કૂલની ફી નક્કી કરે છે. દર વર્ષે કેટલીક સ્કૂલોની ફી વધારાની દરખાસ્ત પણ ફગાવી દેવામાં આવતી હોય છે.

અન્ય સમાચારો પણ છે...