ભાસ્કર એનાલિસિસ:ગુજરાતમાં 1.30 કરોડ લોકો પાસે 7.23 લાખ કરોડની લોન, 0.50% વ્યાજવધારાથી વર્ષે 3600 કરોડ વધુ EMI ચૂકવશે

અમદાવાદ17 દિવસ પહેલા
  • કૉપી લિંક
  • RBIએ 45 મહિના પછી રેપો રેટમાં 0.40%નો વધારો; હોમ, ઓટો સહિતની લોન 0.50% મોંઘી થશે
  • RBIના વધારા પૂર્વે જ ટોચની બેન્કો SBI, BOB અને એક્સિસ બેન્ક દ્વારા વ્યાજદર વધારો શરૂ થઇ ચૂક્યો છે

ભારતીય રિઝર્વ બેન્કે વધુ એક મોંઘવારીનો ડામ આપ્યો છે. આરબીઆઇએ ઓચિંતો રેપો રેટમાં 0.40 ટકાનો વધારો કરીને ઝટકો આપ્યો છે, જેની સીધી અસર સામાન્ય લોનધારકો પર પડશે. આરબીઆઇના વ્યાજદર વધારા પાછળ દેશની તમામ બેન્કો હોમ-ઓટો, પર્સનલ તથા અન્ય લોનના વ્યાજદર સરેરાશ 0.50-0.75 ટકા સુધી વધારી દેશે એ નક્કી છે. જો બેન્કો દ્વારા 0.50 ટકાનો પણ વ્યાજદર વધારો અમલી કરવામાં આવે તો ગુજરાતીઓ પર વાર્ષિક ધોરણે 3600 કરોડનો બોજ વધી જશે. વૈશ્વિક સ્તરે મોંઘવારી સતત વધી રહી છે ત્યારે વિશ્વના મોટા ભાગના દેશોની સેન્ટ્રલ બેન્કોએ તબક્કાવાર વ્યાજદર વધારાની શરૂઆત કરી હતી, પરંતુ દેશની સરકારને મોંઘવારી નડતી ન હોય તેમ વેઇટ એન્ડ વોચ અત્યારસુધી અપનાવ્યો.

એપ્રિલ માસમાં મળેલી બેઠકમાં સતત 11મી વખત વ્યાજદરમાં કોઇ બદલાવ ન લાવ્યા અને ઓચિંતો વ્યાજવધારાનો આંચકો આપી દીધો. ગુજરાતીઓએ કુલ 7.23 લાખ કરોડની હોમ-ઓટો, પર્સનલ તથા અન્ય પ્રકારની લોન લીધી છે, જેના પર 0.50 ટકાનો બોજો પડે તો ગુજરાતીઓ પર વાર્ષિક ધોરણે 3600 કરોડનો બોજો પડશે. રિઝર્વ બેન્કે ભલે મોડો વ્યાજવધારો આપ્યો હોય, પરંતુ મોટા ભાગની બેન્કોએ લિક્વિડિટીને ધ્યાનમાં રાખીને વ્યાજદરમાં ફેરફારની શરૂઆત કરી દીધી છે.

વૈશ્વિક સ્તરે બોન્ડ યિલ્ડ વધી રહ્યા છે ત્યારે ભારતીય રિઝર્વ બેન્ક શા માટે વ્યાજદરમાં વધારો કરવાનું ટાળી રહી છે એ મુદ્દે અત્યારસુધી મૌન સેવાઇ રહ્યું હતું. કો-ઓપરેટિવ બેન્કના ઉચ્ચ અધિકારીએ અગાઉ જણાવ્યું હતું કે વ્યાજવધારો આપવો જ પડશે, વૈશ્વિક બજારો સાથે તાલ મિલવવા જ પડે એવી સ્થિતિ છે. અત્યારસુધી ભારતીય ગ્રોથ મજબૂત છે, જીએસટી કલેક્શન વધી રહ્યું છે એને કારણે આરબીઆઇ વ્યાજદર વધારો ટાળી રહી હતી.

વ્યાજદરમાં 0.50%નો વધારો થતાં લોનધારકોનો બોજો વધશે
ગુજરાતીઓએ કુલ 7.23 લાખ કરોડની હોમ-ઓટો, પર્સનલ તથા અન્ય પ્રકારની લોન લીધી છે, જેના પર 0.50 ટકાથી વધુ બોજો ગુજરાતીઓ પર પડશે.

50 લાખની હોમ લોન પર મહિને 1515નો બોજ

વિગત7 %7.50 %માસિક વૃદ્ધિ
25 લાખ1938220140758
50 લાખ38,765402801,515
1 કરોડ77,530805593,029

15 લાખની ઓટો લોન પર મહિને 403નો બોજ

વિગત8.50%9 %માસિક વૃદ્ધિ
5 લાખ61996334135
15 લાખ18,59819001403
25 લાખ30,99631669673

15 લાખની પર્સનલ લોન પર મહિને 375નો બોજ

વિગત11.00%11.50%માસિક વૃદ્ધિ
5 લાખ1087110996125
10 લાખ21,74221993251
15 લાખ32,61432989375

ગુજરાતીઓ પાસે 7.23 લાખ કરોડની લોન

વિગતહિસ્સોરકમ
હોમ45-47%3.26
ઓટો15-16%1.08
પર્સનલ10-11%0.73
MSME23-25%1.66
વિગતહિસ્સોરકમ
એગ્રી3-4%0.22
અન્ય4-5%0.29

(નોંધ : રકમ લાખ કરોડમાં, સ્ત્રોત : બેન્કિંગ સેક્ટર)

બીજી બાજુ... એફડીના અચ્છે દિન વ્યાજદરમાં વધારો થશે

આરબીઆઇએ રેપો રેટમાં વધારો કરતાં હોમ, ઓટો સહિતની લોન મોંઘી થશે તથા ઇએમઆઇમાં વધારો થશે. જોકે એક રાહત એ છે કે એફડી સહિતની જમા રકમ પર વ્યાજમાં વધારો થશે. કેન્દ્રીય બેન્કે વધી રહેલી મોંઘવારીને કાબૂમાં લેવા માટે આ નિર્ણય કર્યો છે. રિટેલ ફુગાવો ત્રણ માસના લક્ષ્યની મહત્તમ સીમા 6 ટકાથી વધારે થઈ ગયો છે. ગત માર્ચમાં રિટેલ ફુગાવો 6.95 ટકા હતો. આરબીઆઇનું લક્ષ્ય ફુગાવાના દરને 4 ટકાએ લઈ જવાનો છે. આરબીઆઇ હવે 6-8 જૂને ફરી નાણાં નીતિની સમીક્ષા કરશે.

ભાસ્કર એક્સપ્લેનર - આદિલ શેટ્ટી, CEO, બેન્કબાઝાર​​​​​​​
ડિપોઝિટના વ્યાજદર વધવાથી આવકમાં વધારો થશે

  • હોમ લોન: અત્યારે બે ડઝનથી વધુ બેન્કોનો વ્યાજદર 7 ટકાથી ઓછો છે. હવે ફ્લોટિંગ રેટ ધરાવતી લોન મોંઘી થઈ જશે. નવી દરેક લોન મોંઘી થઈ જશે. ફ્લોટિંગ રેટ ધરાવતી લોન હશે તો ઇએમઆઇ એક મુદત માટે ફિક્સ થઈ શકશે,. પણ લોનની મુદતમાં વધારો થઈ જશે. એનાથી બચવા માટે તમે ઓછા વ્યાજદરે રિફાઈનાન્સ કરાવી શકશો તથા ઇએમઆઇ વધારી શકશો.
  • પર્સનલ-ઓટો લોન: તેના વ્યાજદર ફિક્સ હોય છે. વર્તમાન લોનધારકોને ચિંતાનું કારણ નથી. તેના ઇએમઆઇ અને વ્યાજદર યથાવત રહેશે. હા, નવી લોન જરૂર મોંઘી થશે.
  • બેન્કમાં જમા રૂપિયા: બેન્ક ડિપોઝિટ, નાની બચત અને કોર્પોરેટ ડિપોઝિટ પરના વ્યાજદરમાં વધારો થશે. આશા છે કે પીપીએફ જેવી યોજનાઓમાં પણ વધુ રિટર્નની જાહેરાત થશે.
  • સીઆરઆર વધવાની શક્યતા: ઊંચા સીઆરઆરનો મતલબ છે કે બેન્કોએ પોતાના ફંડનો મોટો હિસ્સો આરબીઆઇમાં જમા કરવો પડશે. એનાથી બેન્કો પાસે ઉધાર આપવા માટેના ભંડોળમાં ઘટાડો થશે. હાલનો સીઆરઆર 4.50 છે. જે 2014 પછી સર્વોચ્ચ છે.
અન્ય સમાચારો પણ છે...