ભાસ્કર RTI:કોરોનામાં ગુજરાતમાં 1283 બાળકો અનાથ બન્યાં; ગામોને દત્તક લેવાયાં, પરંતુ આવાં બાળકોને કોઇએ દત્તક ન લીધાં!

અમદાવાદ24 દિવસ પહેલા
  • કૉપી લિંક
ફાઇલ તસવીર - Divya Bhaskar
ફાઇલ તસવીર
  • રાજ્યમાંથી બાળ સેવા યોજના અંતર્ગત 27674 અરજી, 21 હજારથી વધારે મંજૂર કરાઇ
  • સૌથી વધુ અરજી અમદાવાદ જિલ્લામાંથી આવી હતી

કોરોનાએ બાળકોને પણ નિરાધાર કરી દીધા હતા. રાજ્યમાં 1283 બાળકોએ માતા-પિતા બન્નેનો સહારો ગુમાવી દીધો હતો જ્યારે 20 હજાર બાળકોના માથેથી એક વાલીનો હાથ ગુમાવી દીધો હતો.

દિવ્ય ભાસ્કર દ્વારા કરાયેલી આરટીઆઇમાં ગુજરાત સ્ટેટ ચાઇલ્ડ પ્રોટેક્શન સોસાયટી દ્વારા આપવામાં આવેલી માહિતી મુજબ, સમગ્ર રાજ્યમાંથી બાળ સેવા યોજના હેઠળ સહાય મેળવવા માટે ડિસેમ્બર 2021 સુધી 27674 અરજીઓ આવી હતી. જેમાંથી 21 હજારથી વધારે અરજીઓ મંજૂર પણ કરી દેવામાં આવી છે. આ યોજના હેઠળ અત્યાર સુધી કુલ 17 કરોડની સહાય આપી દેવામાં આવી છે.

કોરોનાના કારણે સૌથી વધારે અરજીઓ અમદાવાદ જિલ્લામાંથી આવી હતી. જોકે, સૌથી વધારે અરજીઓ રાજકોટ જિલ્લામાંથી મંજૂર કરવામાં આવી હતી. અમદાવાદ, રાજકોટ, સુરત, ભાવનગર, નવસારી જિલ્લાઓમાં એક હજારથી વધારે અરજીઓ મંજૂર કરવામાં આવી છે. રાજકોટ જિલ્લામાં એક વાલી ગુમાવનાર 1845 બાળકોને જ્યારે બન્ને વાલી ગુમાવનાર 104 બાળકોને સહાય ચુકવવામાં આવી છે. અગાઉ વિધાનસભા સત્રમાં પણ આ બાબતે કેટલીક વિગતો બહાર આવી હતી.

આ જિલ્લાઓમાં બાળકો પર કોરોનાનો કેર સૌથી વધારે

જિલ્લોકુલ અરજીમંજૂરએક વાલી ગુમાવનાર

બન્ને વાલી ગુમાવનાર

અમદાવાદ25001,726151568
રાજકોટ21371,9931845104
સુરત14311,126103866
ભાવનગર13591,097101259
નવસારી13841,07997164
વડોદરા102675969552
ભરૂચ197089085130
બનાસકાંઠા100778473050
કચ્છ100977160561
રાજ્યમાં કુલ2767420970190751283

બન્ને વાલી ગુમાવનાર બાળકોને 3.11 કરોડ સહાય
મુખ્યમંત્રી બાળ સેવા યોજના હેઠળ કોરોનામાં અનાથ કે નિરાધાર બનેલા માતા-પિતા ગુમાવનાર બાળકોને સહાય આપવામાં આવે છે. બાળક 18 વર્ષનું થાય ત્યાં સુધી અનાથ બાળકોને મહિને રૂપિયા 4 હજાર અને એક વાલી ગુમાવનાર બાળકોને રૂપિયા 2 હજાર સહાયની રકમ આપવામાં આવશે. એક વાલી ગુમાવનાર બાળકોને અત્યાર સુધી રૂપિયા 14.45 કરોડ જ્યારે બન્ને વાલી ગુમાવનાર બાળકોને રૂપિયા 3.11 કરોડ સહાય ચુકવાઇ છે. આરટીઆઇમાં એ માહિતી માટે કહેવામાં આવ્યું હતું કે કોરોનામાં અનાથ થયેલા બાળકો પૈકી કોઇને કોઇ તરફથી દત્તક લેવામાં આવ્યા છે? જવાબમાં જણાવાયું છે કે આવા બાળકોમાંથી કોઇ બાળકને દત્તક લેવામાં આવ્યું નથી.નોંધનીય છે કે કેટલાક રાજકીય નેતાઓ દ્વારા ગામડાંઓ દત્તક લેવાયા છે. પરંતુ કોરના મહામારીમાં માતા-પિતાની છત્રછાયા ગુમાવનાર માસુમ બાળકોને કોઇ જ રાજકીય કે સામાજિક આગેવાનો હજીસુધી આગળ આવ્યાં નથી!

અન્ય સમાચારો પણ છે...