સુવિઘા:એક સાથે 12 સભ્યો 40 મિનિટ સ્વિમિંગ કરી શકશે, ક્લબના સ્વિમિંગ પૂલ આજથી કાર્યરત

સરકાર દ્વારા સ્વિમિંગ પૂલને શરુ કરવાની પરવાનગી આપવામાં આવી હતી. જેને લઈને શહેરની ક્લબોએ સરકારની ગાઈડલાઈનને લગતી એસ.ઓ.પી તૈયાર કરાઈ હતી. આ ગાઈડલાઈન મુજબ ફક્ત મેમ્બર્સ જ સ્વિમિંગ પૂલમાં આવી શકશે. આ વિશે વાત કરતા કર્ણાવતિ કલબનાં સેક્રેટરી કેતન પટેલે જણાવ્યું કે,‘ક્લબમાં કોમન અને વોર્મ પૂલ ચાલુ કરાશે જેમાં વહેલા તે પહેલાનાં ધોરણે 30-40 મિનિટનો એક સ્લોટ રાખવામાં આવ્યો છે. સવારે 6.30થી 10 અને સાંજે 5 થી9 પૂલ ચાલુ રખાશે. જ્યારે 10થી બપોરે 1 મહિલાઓ માટે પૂલ ખૂલ્લૂ મુકાશે.’

રાજપથનાં સેક્રેટરી મિસાલ પટેલનું કહેવું છે કે, ‘સ્વિમિંગ પૂલમાં આવવા માટે એડવાન્સ બુકિંગ કરાવું પડશે. આ સાથે મેમ્બર્સે તેમનાં સ્લોટ પ્રમાણે પૂલમાં આવે જેથી ભીડ ભેગીનાં થાય.’ આ સ્પોર્ટસ ક્લબનાં સેક્રેટરી ચિંતન ચોક્સીએ જણાવ્યું કે,‘આજથી પૂલ ચાલુ થશે અને 40 મિનિટ આપવામાં આવશે એક સ્લોટમાં આ સાથે પૂલમાં ફક્ત 8 લોકો હશે.’