કાબૂમાં આવતું કોરોનાનું સંક્રમણ:ચાંદલોડિયાના નિર્માણ રિજોયસમાં 100 લોકો કન્ટેનમેન્ટ ઝોનમાં મૂકાયા, 28 વિસ્તાર મુક્ત, શહેરમાં હવે 265 માઇક્રો કન્ટેન્મેન્ટ ઝોન

કોરોનાને નાથવા માટે રાત્રિ કર્ફ્યૂની અસર દેખાઇ રહી છે. કોરોનાનું સંક્રમણ શહેરમાં ધીમે ધીમે ઘટી રહ્યું છે. જેથી આજે શહેરમાં માત્ર એક જ માઇક્રો કન્ટેન્મેન્ટ ઝોન જાહેર થયો છે. જ્યારે 28 વિસ્તારને માઇક્રો કન્ટેન્મેન્ટ ઝોનમાંથી મુક્ત કરવામાં આવ્યા છે. હાલમાં શહેરમાં 265 માઇક્રો કન્ટેન્મેન્ટ ઝોન અમલમાં છે.

નવા ઉમેરાયેલા માઇક્રો કન્ટેન્મેન્ટ ઝોનમાં ચાંદલોડિયાના જગતપુર સ્થિત નિર્માણ રિજોયસના 24 ઘરના 100 લોકોનો સમાવેશ કરવામાં આવ્યો છે.

28 વિસ્તારને કન્ટેનમેન્ટમાંથી મુક્ત કર્યાં
આજે શહેરમાં 28 વિસ્તારને માઇક્રો કન્ટેનમેન્ટ ઝોનમાંથી મુક્ત કરવામાં આવ્યા છે. જેમાં દક્ષિણ ઝોનના 1, પૂર્વના 7, ઉત્તરમાં 1, મધ્યમાં 1, દક્ષિણ-પશ્ચિમમાં 8, પશ્ચિમના 2, ઉત્તર-પશ્ચિમના 8 વિસ્તારનો સમાવેશ થાય છે.