સુનાવણી:નવસારી GST રિકવરી કેસમાં 10 અધિકારીઓ હાઈકોર્ટમાં હાજર

નવસારીમાં ભુમિ એસોસિએટસના માલિકના ઘરે ઇનપુટ ટેકસ ક્રેડીટની ચોરી મામલે જીએસટીની સર્ચ કરવામાં આવી હતી. જેમા હાઇકોર્ટે અધિકારીઓનો ઉધડો લીધા બાદ આજે સુરતના ડીજીજીઆઇ સહિતના 10 અધિકારીઓ વિડીયો કોન્ફરન્સથી હાજર રહ્યા હતા.

જસ્ટિસ જે.બી.પારડીવાલાની ખંડપીઠ સમક્ષ એવી રજુઆત કરાઇ હતી કે,જવાબદાર અધિકારીઓ સામે યોગ્ય તપાસ ચાલી રહી છે કોઇ ગેરરીતિ જણાશે તો કાયદેસર પગલા લેવામાં આવશે. કોર્ટે એવી ટકોર કરી હતી કે અમે ઓફિસરોનું નૈતિક મનોબળ તોડવા માંગતા નથી પણ અધિકારીઓએ કાયદાની ચાર દિવાલોમાં રહીને ફરજ બજાવવાની છે.હાઇકોર્ટે વધુ સુનાવણી 23 ફેબ્રુઆરી પર મુલતવી રાખી છે.