વતન વાપસી:બિહારના દોઢ હજાર શ્રમિકોને વતન મોકલાશે, બિહાર માટે ખાસ ટ્રેન મંજૂર કરવામાં આવી

ખેડા જિલ્લામાં લોકડાઉન દરમિયાન ફસાયેલા બિહારી લોકો માટે ખાસ ટ્રેનની મંજુરી મળી છે. જે બુધવારની બપોરે નડિયાદથી ઉપડશે. જેમાં દોઢ હજાર જેટલા મુસાફરોને તેમના વતન મોકલવામાં આવશે. આ માટે તમામ તાલુકા મથકોએ નોંધણી કરાવેલા શ્રમિકોનું મેડિકલ ચેકઅપ ચાલી રહ્યું છે. ખેડા તાલુકાના ગામોમાં કંપનીઓ ઇંટો ભઠ્ઠામાં કામ કરતા 550 જેટલા કામદારો પરપ્રાંતિય મજૂરોને બિહાર ખાતે ટ્રેન મારફતે મોકલી અપાશે. બિહાર જવા માટેના પરપ્રાંતિય લોકોનું અગાઉં ખેડા મામલતદાર કચેરી ખાતે લોકોનું રજિસ્ટ્રેશન કરાયું હતું. ખેડા તાલુકામાં રહેતા બિહારના લોકોની યાદી તૈયાર કરી દેવાઈ છે. 18 જેટલી એસટી બસમાં તેમને નડીઆદ મોકલી આપ્યા હતાં.