શણગાર:ઝાલાવાડમાં સ્વામિનારાયણ મંદિરે ભગવાનને ગરમીથી રાહત માટે ચંદનના વાઘા

સુરેન્દ્રનગર જિલ્લામાં હાલ કાળઝાળ ગરમી પડતા પારો 43 ડિગ્રી સુધી પહોંચી ગયો છે. આથી મૂળી સ્વામિનરાયણ મંદિરે એક માસ સુધી ચંદનના વાઘાની સેવા અપાય છે. ત્યારે સુરેન્દ્રનગર સ્વામિનારયણ ગુરૂકુળના પુરાણી મહાત્મા સ્વામી અને સંતોએ પુજ્યગુરૂજીની સ્મૃતિમાં એક દિવસની મૂળી સ્વામિનારાયણ મંદિરે ભગવાનને ગરમીમાં રાહત મળે માટે સેવા આપી હતી. જેમાં રાધાકૃષ્ણદેવ, હરિકૃષ્ણમહારાજ, રણછોડજી ત્રિકમજી મહારાજ, ધર્મદેવ ભક્તિમાતા સહિત ભગવાનની મૃર્તિને ચંદનના વાઘા અર્પણ કરાયા હતા.