પ્રયત્ન:લીંબડી પોલીસ મથકે પૂછપરછ માટે બોલાવેલા શખ્સનો આપઘાતનો પ્રયાસ

લીંબડી હાઈવે પર વડોદના છગનભાઈ રબારીને મારમારી કમલેશ મકવાણા, ભાવેશ મકવાણા, રીન્કુ રાજપૂત, અકરમ ખાટકી, રમેશ પાસવાન અને બે અજાણ્યા શખ્સો રોકડ અને દાગીનાની લૂંટ ચલાવી ફરાર થઈ ગયા હતા. પોલીસે ગણતરીની કલાકોમાં ભાવેશ મકવાણા, રીન્કુ રાજપૂત અને રમેશ પાસવાનને ઝડપી પાડયા હતા. બાકીના લૂંટારૂઓની શોધ કરવા ચક્રો ગતિમાન કર્યાં હતા. લૂંટના ગુનામાં સામેલ અકબર ખાટકીના ભાઈ જાવેદ અલાઉદીન ખાટકીને પુછપરછ માટે લીંબડી પોલીસ મથકે બોલાવામાં આવ્યો હતો. ત્યારે જાવેદે બાથરૂમ જવાનું બહાનું કાઢી ટોયલેટમાં જઈ કાચ વડે માથાના ભાગે, બન્ને હાથ પર ચીરા પાડી આપઘાત કરવાનો પ્રયાસ કર્યો હતો. પોલીસને આ અંગે જાણ થતા તેને ટોયલેટ બહાર કાઢી સારવાર અર્થે હોસ્પિટલે ખસેડવામાં આવ્યો હતો. પીએસઆઈ એસ.એસ.વરૂએ આપઘાતનો પ્રયાસ કરનાર જાવેદ ખાટકી વિરુદ્ધ ફરિયાદ નોંધાવી હતી.