રજૂઆત:નાયકાના કામદારોની વતન જવા મામલતદારને રજૂઆત

ખેડામાં રોજી રોટી માટે આવેલા શ્રમિકોની ધીરજ ખુટી છે. નાયકા ગામે આવેલી ટેક્સટાઇલના 50 જેટલા કામદારો 12 કિલોમીટર ચાલી મામલતદાર ઓફિસ પહોંચ્યાં હતાં. જ્યાં તેઓએ બિહાર જવા માગણી કરી હતી. કામદારોએ મામલતદાર કચરી ખાતે આવીને પોતાના વતન બિહાર જવા માટેની રજુઆત કરી હતી. હાલ બિહાર જવા માટે કોઈ ટ્રેનની વ્યવસ્થા ન હોવાથી કામદારોને મામલતદાર કચેરી ખાતેથી પાછા નાયકા ખાતે કંપનીમાં મોકલી આપ્યાં હતાં. આગામી દિવસમાં બિહાર જવા માટે ટ્રેન કે અન્ય સૂચના મળશે તો કામદારોને મામલતદાર કચેરી ખાતેથી જાણ કરીને બોલવામાં આવશે તેમ જણાવાયુ હતું.