સજા:નારનામુવાડા હત્યાકાંડમાં 8 શખ્સ જેલ હવાલે કરાયાં, નજીવી બાબતમાં યુવાનને રહેંસી નાખ્યો’તો

કપડવંજ તાલુકાના નારનામુવાડા ગામે સામાન્ય બાબતમાં થયેલી મારામારીમાં યુવકને મોતને ઘાટ ઉતારવાના બનાવમાં આઠેય આરોપીને બિલોદરા જિલ્લા જેલમાં મોકલી આપ્યાં હતા. કપડવંજના નારનામુવાડા ગામે ઉકરડામાં છાણનો ઢગલો કરવા બાબતે થયેલી મારામારીમાં બન્ને પક્ષે સામસામે ફરિયાદ નોંધાવી હતી. આ મારામારીમાં વિનોદ પ્રજાપતિને ઇજા થતાં અમદાવાદ દવાખાને ખસેડાયા હતા. જ્યાં સારવારમાં વિનોદભાઇનું મૃત્યુ નીપજ્યું હતુ. પોલીસે આઠ શખસ ભવાન પરમાર, વિજય પરમાર, અજય પરમાર, બાબુ પરમાર, વિઠ્ઠલ પરમાર, સંજય પરમાર, ભગા પરમાર, સુનીલ પરમારને ઝડપી લઈ કોર્ટમાં રજુ કરતાં તમામને જેલમાં મોકલવાનો આદેશ કર્યો હતો.