કાર્યવાહી:નારનામુવાડા હત્યાકાંડમાં 8 શખ્સની ધરપકડ

કપડવંજના નારનામુવાડા ગામે નજીવી બાબતે મારામારીમાં યુવકની હત્યાના ગુનામાં કપડવંજ ગ્રામ્ય પોલીસે આઠ શખસને ઉઠાવી લીધાં હતા. પોલીસે તમામ શખસને કોરોના ટેસ્ટ માટે નડિયાદ દવાખાને ખસેડ્યા હતા. જ્યાં આઠેયનો રિપોર્ટ નેગેટિવ આવતાં પોલીસે તમામની ધરપકડ કરી લોકઅપમાં ધકેલી દીધાં હતા. જે તમામને સોમવારે કોર્ટહવાલે કરાશે તેમ  પીએસઆઇ ડી.બી.દેસાઇએ જણાવ્યું હતું.