દાદાગીરી:હળવદમાં પીઆઇને કારથી કચડી મારવાનો પ્રયાસ કરી ધમકી આપી

હળવદ પીઆઇ સંદિપભાઈ ખાંભલા સહિતની ટીમ સરા ચોકડી ખાતે ફરજબજાવતી હતી. ત્યારે ધારાસભ્ય પરસોતમ સાબરીયાના નજીકના એવા કડીયાણાના અશોકસિંહ જાડેજા કાર લઈને આવી અમારા માણસોને કેમ હેરાન કરો છો તેમ કીધુ હતુ. હળવદ પીઆઈને કચડવાનો પ્રયાસ કરી ગાળો બોલી તને હું જોઈ લઈશ કેમ કંઈ પોતાની કાર લઇને નાસી છૂટયા હતા. આ અંગેની ફરિયાદમાં પીઆઇ સંદીપભાઈએ જણાવાયા મુજબ આરોપીએ અગાઉની માથાકૂટનું મનદુ:ખ રાખી ગેરવર્તન કરી ગાળો આપી નોકરી કરી લેશો તે હું જોઈ લઈશ ધમકી આપી ધક્કો મારી પોલીસની ફરજ રૂકાવટ કરી હતી. જયારે મારી નાંખવાના ઇરાદે ગાડી ચડાવવાનો પ્રયાસ કરી કાર લઈને નાસી છૂટયો હતો.
વાહન રોકતા મામલો બિચક્યો 
સરા ચોકડીએ ટંકારાથી મજૂર ભરેલું વાહન કોન્સ્ટેબલે રોકીને પૂછપરછ કરતા MLAના નજીકના રવજીભાઈ દલવાડી અને પોલીસ વચ્ચે માથાકૂટ થઇ હતી જેથી અશોકસિંહ પીઆઇ પાસે ગયા હતા.