કોરોના વાઇરસ:જીવન જરૂરિયાતના વેપારીના આરોગ્યની ચકાસણી કરાશે

અમદાવાદને અડિને આવેલો ગાંધીનગર તાલુકો કોરોનાથી વધુ સંક્રમિત થયો છે. જેને પરિણામે અત્યાર સુધીમાં તાલુકામાં કોરોનાના કુલ 44 કેસ નોંધાયા છે. ત્યારે કોરોનાના સંક્રમણે અટકાવવા માટે બોર્ડરના ગામોમાં ચુસ્ત લોકડાઉનનું પાલન કરવા આદેશ કર્યો છે. ઉપરાંત ગામમાં શાકભાજી, દૂધ, કરીયાણાનું વેચાણ કરતા વેપારીઓનું અઠવાડિયામાં 2 વખત ફરજીયાત આરોગ્યની ચકાસણી કરવાનો આદેશ તાલુકા વિકાસ અધિકારીએ કર્યો છે. 1 માસમાં ગ્રામ્ય વિસ્તારોમાં કોરોનાના વધતા જતા કેસોને પગલે જિલ્લાના ગાંધીનગર તાલુકાના બોર્ડરના ગામોમાં ચુસ્ત અમલવારીના આદેશો જારી  કર્યા છે.