કોરોનાવાઈરસ:અખબાર વિતરકોને ઉકાળાનું વિતરણ કરાયું

કોલવડા આયુર્વેદ હોસ્પિટલ દ્વારા શહેરમાં નિયમિત રીતે અખબારનું વિતરણ કરતાં વિતરક બંધુઓને આયુર્વેદ ઉકાળાનું વિતરણ કરાયું હતું. વાયરસના હાહાકાર વચ્ચે પણ સેકટર-22 ડેપો ખાતેથી અખબારનું વિતરણ ગાંધીનગર ન્યૂઝ પેપર સપ્લાય એસોશિએશન દ્વારા કરાઇ રહ્યું છે. સે-14 થી 30, કોલવડા, પેથાપુર, રાંધેજા, પીપળજ, ચિલોડા, પાલજ, આલમપુર અને પાસેના ગામમાંથી અખબારનું વિતરણ કરાય છે.