કોરોનાવાઈરસ:છાલા અને જાસપુરમાં આજથી સંપૂર્ણ લોકડાઉનનો આદેશ

ગાંધીનગર તાલુકામાં માત્ર બે દિવસમાં જ કોરોનાના ચાર કેસ નોંધાયા છે. જ્યારે  જાસપુરમાં માત્ર એક જ દિવસમાં છ કેસ નોંધાતા કોરોના વાઈરસનું સંક્રમણને અટકાવવા  જિલ્લા વિકાસ અધિકારી રાવલે છાલા અને જાસપુર ગામમાં તારીખ 12મી, મેના સવારે 6 કલાકથી સંપુર્ણ લોકડાઉનનો આદેશ કર્યો છે.  બન્ને ગામોમાં માત્ર દૂધ અને દવાઓની દુકાનો જ ખુલ્લી રાખવાની રહેશે. શાકભાજી, કરીયાણા સહિતની તમામ દુકાનો બંધ રાખવાની રહેશે. જ્યારે મેડિકલ સેવાઓ ચાલુ રાખવામાં આવશે. આદેશનો ભંગ કરનાર વ્યક્તિની સામે શિક્ષાત્મક કાર્યવાહી કરાશે. સંપુર્ણ લોકડાઉનની અમલવારી બન્ને ગામોના સરપંચ અને તલાટીએ ટીડીઓના સીધા માર્ગદર્શન હેઠળ કરવાની રહેશે તેમ ડીડીઓએ જણાવ્યું છે. જિલ્લામા જે રીતે કોરોનાના કેસોની સંખ્યા વધી રહી છે તેના પર અંકુશ લાવવા માટે આરોગ્ય વિભાગ દ્વારા પૂરતા પ્રયાસો કરવામા આવી રહ્યા છે.