કાર્યવાહી:વાવોલમાં વોકિંગમાં નીકળેલા 3 સહિત 10 સામે ગુનો નોંધાયો

સેકટર-7 પોલીસે પેટ્રોલિંગ દરમિયાન વાવોલ ભૂમિપાર્ક સોસાયટી પાસે ચાલવા નીકળેલા પ્રવિણસિંહ ખિટોલીયા, સોનુભા ઝાલા તથા ગોવિંદભાઈ રાજપુત સામે ગુનો નોંધ્યો હતો.  જ્યારે સેકટર-21 પોલીસે વાસ્તુ નિર્માણ સોસાયટી પાસે ઈવનિંગ વોકમાં નીકળેલા રણછોડભાઈ પ્રજાપતિને ઝડપ્યા હતા. બીજી તરફ પોલીસે પેટ્રોલિંગ દરમિયાન સે-26 ગ્રીનસિટી ખાતે શાકભાજીની લારી લઈને નીકળેલા રામાભાઈ બબાભાઈ દંતાણી સામે કાર્યવાહી કરી હતી. શહેરમાં સે-29 ખાતે એક જ્યારે તાલુકામાં માધવગઢથી 1, પ્રાંતિયાથી 2 અને વલાદથી 1 શખ્સ બીનજરૂરી રીતે બહાર નીકળેલા ઝડપાતા પોલીસે જાહેરનામા ભંગનો ગુનો નોંધ્યો હતો.