ઉજવણી:ભારતી બાપુની હાજરીમાં વિકલાંગોને કિટનું વિતરણ કરાયું

ભારતીય જનતા પાર્ટીના 6 એપ્રિલના સ્થાપના દિન નિમિત્તે મંગળવારે ગુજરાતમાં વિવિધ કાર્યક્રમો ઉજવવામાં આવ્યા તેના ભાગરૂપે ધોળકા વિધાનસભાનો કાર્યક્રમ મંત્રી ભૂપેન્દ્રસિંહ ચુડાસમાની હાજરીમાં ભારતીય જનતા પાર્ટી કાર્યાલય મુકામે યોજવામાં આવ્યો હતો.તેમાં ભૂપેન્દ્રસિંહે જણાવ્યું હતું કે આજે 11 કરોડ લોકોનો સામૂહિક જન્મદિવસ છે.

આજના દિવસે 1980માં મુંબઈમાં ચોપાટી પર દરિયાકિનારે માનવ મહેરામણની હાજરીમાં બે મહાનુભાવો અટલજી અને અડવાણી, સુપ્રીમ કોર્ટના નિવૃત્ત જજ એમસી ચાગલાએ જણાવ્યું હતું કે એક દિવસ જરૂર અટલજી ભારતના વડાપ્રધાન બનશે. તે દિવસે રામ જેઠમલાણી કહ્યું હતું કે મહામાનવ અટલજીના પગમાં બેસવાની જગ્યા નથી.

આ દિવસે સંગીત ધારા ચેરીટેબલ ટ્રસ્ટ તેમજ મહાકાળી ચેરીટેબલ ટ્રસ્ટ દ્વારા વિધવા તેમજ વિકલાંગ વ્યક્તિઓને કીટનું વિતરણ કરવામાં આવ્યું હતું જેમાં 1008 મહામંડલેશ્વર ભારતીબાપુ ખાસ હાજર રહ્યા હતા. વિધાનસભામાં બે વર્ષ સુધી કીટનું વિતરણ કરવા જણાવ્યું હતું.