ક્રાઈમ:મોટી મોરાલીમાં કાકીને ભત્રીજાએ ધોકો મારતા મોત, પોલીસે આ બનાવ સંબંધે ખુનનો ગુનો નોંધવા તજવીજ હાથ ધરી

દહેગામ તાલુકાના મોટી મોરાલી ગામે રહેતો શખ્સ પરિવારની વહુને ગાળો બોલતો હોવાથી તેના 60 વર્ષની વયના કાકીએ ગાળો બોલવાની ના કહેતા થયેલા ઝઘડામાં ભત્રીજાએ કાકીને માથાના ભાગે ધોકો મારી દીધો હતો. 
ગરીબ પરિવાર ઉકેલે તે પહેલાં વૃદ્ધાનું મોત થઇ ગયું
બુધવારે રાત્રીના 11 વાગ્યાના અરસામાં બનેલા આ બનાવ બાદ ગુરૂવારે ગંભીર ઇજાગ્રસ્ત મહિલાને ગાંધીનગરથી અમદાવાદ ખસેડવાની તબીબોની સલાહનાપગલે આ સમયે ઘરે જવું, અન્ય હોસ્પિટલમાં લઇ જવાં કે અમદાવાદ અને અમદાવાદમાં લોકડાઉનની સ્થિતિ સંબંધેની અસંમજસ ગરીબ પરિવાર ઉકેલે તે પહેલાં વૃદ્ધાનું મોત થઇ ગયું હતું. દહેગામ પોલીસે આ બનાવ સંબંધે ખુનનો ગુનો નોંધવા તજવીજ હાથ ધરી છે.