હાલાકી:ચોટીલાના GRD જવાનો માત્ર 200ના વેતનમાં કોવિડ 19 અંગે ફરજ બજાવે છે

સમગ્ર દેશ ને કોરોના વાઇરસ ના કારણે લોકડાઉન કરાયો છે ત્યારે ચોટીલા માં પોલીસ,હોમગાર્ડ તેમજ GRD જવાનો પણ પોતાની ફરજ બજાવે છે.જેમાં GRD ના જવાનો માત્ર 200 ના વેતન પર ફજ બજાવતા હોવાથી મુશ્કેલીઓ સહન કરવી પડતી હોવાનું જવાને જણાવ્યું હતું. ચોટીલાના હીરાસર, અકાળા, પાંચવડા, મોકાસર સહિત ના ગ્રામ્યવિસ્તારો મા 72 જેટલા જવાનો ગ્રામરક્ષક દળ માત્ર 200 રૂપિયા ના વેતન સાથે જોડાયેલા છે જેમાંથી 50 જેટલા જવાનો ને હાલ કોવિડ 19 અંગે લોકડાઉન ના અમલ કરાવવા માટે ફરજ પર 20 થી 30 કિલોમીટર દૂર થી પણ આવવું પડતું હોવાથી મુશ્કેલીઓ સહન કરવી પડતી હોય છે. આ અંગે હીરાસરના અજિતભાઈ.એચ.ભટ્ટી જણાવે છે કે  200ના વેતનમાં પેટ્રોલનો ખર્ચ કરવો કે ઘરનું અર્થતંત્ર ચલાવવુ તે એક મોટો પ્રશ્ન થતો હોય છે.