તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો

હાલાકી:બાવળામાં આખો દિવસ લાઇટ ન રહેતાં પરેશાની

બાવળા12 દિવસ પહેલા
  • કૉપી લિંક
  • ચોમાસા પહેલાં સમારકામ કરવાનું હોવાથી લાઇટો બંધ કરાઇ : તંત્ર

બાવળા નગરપાલિકા હદવિસ્તારમાં સવારે 8 વાગ્યાથી યુજીવીસીએલ દ્વારા લાઇટ બંધ કરી દેવામાં આવી હતી.અને સાંજના 5 વાગે લાઇટ ચાલુ કરી હતી.મંગળવારે સ્ટેગરીંગ હોવાથી તેમજ લાઇનોનું ચોમાસા પહેલા સમારકામ કરવાનું હોવાથી લાઇટો બંધ કરી દીધી છે.ભર ઉનાળે 38 ડીગ્રી તાપમાનમાં લાઈટ નહીં હોવાથી નગરજનો ભારે ગરમીમાં શેકાયા હતાં.તેમાંય ખાસ કરીને નાના બાળકો, બીમાર વ્યકિતઓ, વૃદ્ધોને ભારે તકલીફ પડી હતી.તેમજ તમામ સરકારી કચેરીઓમાં પણ લાઇટ નહીં હોવાથી કામ બંધ રહ્યુ હતું.

જેથી ગામડાનાં અરજદારોને ધક્કો ખાવો પડ્યો હતો. તમામ કામગીરી બંધ રહેવા પામી હતી.હોસ્પીટલોમાં દાખલ દર્દીઓને પણ ભારે મુશ્કેલીઓ પડી હતી.9 કલાક જેટલો લાંબો સમય આવી ગરમીમાં લાઇટ બંધ રહેતાં નગરજનો તોબા પોકારી ઉઠયા હતાં.અને યુજીવીસીએલ ઉપર ભારે આક્રોશ જોવા મળ્યો હતો.નગરજનોએ જણાવ્યું હતું કે યુજીવીસીએલએ સમારકામ કરવું જોઇએ પણ એક સાથે આટલો લાંબો સમય લાઇટ બંધ રાખવી જોઈએ નહીં.વહેલી સવારે લાઇટ 4 થી 5 કલાક લાઈટ બંધ રાખીને કામ કરી લેવું જોઇએ. સવારથી લાઇટો બંધ રહેતા ગરમીમાં લોકો પરસેવે રેબઝેબ બન્યા હતા.

અન્ય સમાચારો પણ છે...