આગ:બાવળા નગરમાં મોડી રાતે હાર્ડવેરની દુકાનમાં આગ

બાવળામાં વૈશાલી સોસાયટી સામે આવેલા કોમ્પલેક્ષમાં વિજય લક્ષ્મી હાર્ડવેરની દુકાન માલીક ધર્મેશભાઇ રાબેતા મુજબ સાંજના સમયે વસ્તી કરીને ઘરે ગયા હતાં.રાત્રે અગીયાર વાગ્યા પછી કોઈ કારણસર દુકાનમાં આગ લાગી હતી.અને આ લાગેલી આગને વૈશાલી સોસાયટીનાં રહીશોએ જોઈ જતાં તેઓ દોડી ગયા હતાં અને આગને ઓલવાની કોશીશ કરી હતી પરંતુ દુકાનમાં ક્લર અને લાકડુ, પ્લાસ્ટીક વગેરેને સામાન હોવાથી આગ વધુ પ્રસરવા લાગી હતી.

જેથી નગરપાલીકાનાં ફાયરબ્રગેડને જાણ કરતાં શૈલેષભાઇ અને ઝાલાભાઇ ફાયર ફાઇટર લઈને તરત જ દોડી આવીને એક કલાકની ભારે જહેમતથી પાણીનો મારો ચલાવીને આગને કાબુમાં લીધી હતી.પરંતુ આગ કાબુમાં આવે તે પહેલા જ લાખો રૂપિયાનો માલ બળીને ખાખ થઈ ગયો હતો.