કાર્યવાહી:કાવીઠામાંથી દારૂની 30 બોટલો સાથે બુટલેગર ઝબ્બે

કાવીઠામાં રહેતો ગંભીરસિંહ વિક્રમભાઇ રાઠોડ ગવારીયા વાળી નેળમાં બાવળની ઝાડીમાં વિદેશી દારૂનો જથ્થો સંતાડીને વેચાણ કરી રહ્યો હોવાની બાતમીનાં આધારે પોલીસે દરોડો પાડતાં ઝાડી પાસે બુટલેગર ગંભીરસિહ હાજર હતો અને તે પોલીસને જોઇને ભાગવા લાગ્યો હતો પરંતુ પોલીસે પીછો કરીને તેને પકડી લીધો હતો.અને બાવળની ઝાડીમાં તપાસ કરતાં ખાખી કલરના પુંઠાના બે બોક્સ મળી આવ્યા હતાં.બોક્સમાં તપાસ કરતાં તેની અંદરથી વિદેશી દારૂની 30 બોટલો મળી આવી હતી જેથી પોલીસે 15000 રૂપીયાનો વિદેશી દારૂ જપ્ત કરીને બુટલેગરને જેલના સળીયા પાછળ ધકેલી દઈને તેની વિરૂદ્ધ પ્રોહીબીશન એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.