ક્રાઇમ:શીયાળમાંથી 3 જુગારીને બગોદરા પોલીસે ઝડપ્યા

બાવળા તાલુકાનાં બગોદરા અને તેની આજુબાજુનાં ગામડાઓ જુગારધામો ધમધમી રહ્યા છે.

બગોદરા પોલીસ જુગારીઓને પકડવા માટે બગોદરા વિસ્તારમાં પેટ્રોલિંગ કરી રહી હતી ત્યારે પોલીસ શિયાળ ગામમાં આવેલા હાઉસીંગના નાકા પાસે પહોંચતાં બાતમી મળી હતી કે શિયાળ ગામમાં આવેલા હાઉસીંગના ચોકમાં ખુલ્લામાં જુગારીઓ હારજીતનો જુગાર રમી રહ્યા છે. જે બાતમીનાં આધારે પોલીસે બાતમી મુજબની જગ્યાએ દરોડો પાડતાં 3 જુગારીઓ જુગાર રમતા હતાં. જેથી પોલીસે કોર્ડન કરીને બુધાભાઈ પાંચાભાઇ દેવીપૂજક (શિયાળ), ગગજીભાઇ માનસંગભાઇ કોળી ૫ટેલ (શિયાળ ), અને રણુભાઇ રામાભાઇ પઢાર (શિયાળ)ને પકડી પાડી તેમની પાસેથી રૂ. 3380 રોકડા અને દાવ ઉપરથી રૂ. 370 મળી આવતાં કુલ રૂ. 3750 કબ્જે કરીને પકડાયેલા જુગારીઓને જેલનાં સળીયા પાછળ ધકેલી દઈને જુગારધારા હેઠળ ગુનો નોંધી કાર્યવાહી કરી વધુ તપાસ હાથ ધરી છે.