ભારે રોષ:મુન્દ્રામાં 2 યુવકના કસ્ટોડિયન ડેથ મામલે બાવળા મામલતદારને આવેદન

કચ્છ જિલ્લાનાં મુન્દ્રા તાલુકાનાં સમાધોધાનાં ચારણ- ગઢવી સમાજનાં બે યુવાનોને પોલીસે ખોટાં કેશમાં સંડોવીને ધરપકડ કરી ગેરકાયદેસર રીતે પોલીસ કસ્ટડીમાં ગોંધી રાખી ઢોર માર મારવામાં આવ્યો હતો. જેથી બંને યુવાનોનાં મોત થવા પામ્યા હતાં. આ કસ્ટોડિયન ડેથ પ્રકરણમાં સમસ્ત ચારણ- ગઢવી સમાજમાં ભારે આક્રોશ જોવા મળી રહ્યો છે. બાવળા તાલુકા ચારણ- ગઢવી સમાજમાં પણ ભારે રોષ જોવા મળી રહ્યો છે.

બાવળા તાલુકા ચારણ સમાજનાં પ્રમુખ ગંભીરસિહ ગઢવી, મંત્રી રણજીતસિહ મોડ, નવલદાન ગઢવીએ સમસ્ત ચારણ સમાજ દ્વારા બાવળાનાં મામલતદાર પી.આર.દેસાઇને આવેદનપત્ર આપ્યું હતું.

આવેદનપત્રમાં રજુઆત કરવામાં આવી છે કે આ કસ્ટોડિયન ડેથમાં સંડોવાયેલા પોલીસ કર્મચારીઓ અને અધિકારીઓ સામે કડક કાર્યવાહી કરીને તેમની ધરપકડ કરી જેલ હવાલે કરી કાર્યવાહી સરકાર દ્વારા કરાય તેવી અમારી માગ છે.