કોરોના વાઇરસ:પેટ્રોલપંપ પર કર્મીઓની આરોગ્યની તપાસ કરાઈ, ગેસ એજન્સીઓને સેનેટાઈઝ કરવામાં આવી

આણંદ જિલ્લા પુરવઠા વિભાગ દ્વારા જાહેર જનતાના હિત તથા સૌના અારોગ્યને ધ્યાનમાં લઈને જિલ્લાના તમામ પેટ્રોલપંપ,અને ગેસ એજન્સી ગોડાઉન ઉપર ફરજ ઉપરના કર્મચારી કામદારોનું આરોગ્ય પરીક્ષણ કરવામાં તથા ગેસ એજન્સીના ગોડાઉનમાં ગેસની બોટલો ઉપર દવા છંટકાવ કરીને  સેનેટાઇઝેશનની પ્રક્રિયા હાથે ધરવામાં આવી છે. આણંદ જિલ્લામાં કુલ 132 જેટલા પેટ્રોલ પંપ કાર્યરત છે.  જિલ્લાભરની ગેસ એજન્સી સહિત તમામ કામદાર અને કર્મચારીઓનું આરોગ્ય જળવાઈ રહે તેમજ પેટ્રોલ મેળવવા આવતા નાગરિકોના   આરોગ્યની કાળજી લેવાય તે માટે આ કામગીરીનો પ્રારંભ જિલ્લા પુરવઠા અધિકારી ગોપાલ બામણીયા અને તેમની ટીમ દ્વારા કરવામાં આવ્યો હતો.