કાર્યવાહી:ઉમરેઠમાં મહિલા સામે જોવા બાબતે ઠપકો આપતા હુમલો, પોલીસે ત્રણ શખ્સો વિરૂદ્ધ ગુનો નોંધ્યો

ઉમરેઠમાં ઓડબજારમાં રહેતા મોઈનખાન આમીરખાન પઠાણના બે મામી ધાબા ઉપર કપડા સૂકવી રહ્યા હતા ત્યારે નજીકમાં રહેતા સાજીદમીંયા હનીફમીંયા બેલીમ તેમની સામે એકીટસે તાકી રહ્યા હતા. જેની જાણ મોઈનખાન પઠાણને થતાં તેમણે તેને આ બાબતે ઠપકો આપ્યો હતો. જોકે, સાજીદમીયાંનું ઉપરાણું લઈને મુનીમમીંયા હનીફમીંયા બેલીમ તેમજ હનીફભાઇ ગનીમીંયા બેલીમ ઉશ્કેરાઈ ગયા હતા. અને તેમણે અપશબ્દ બોલી ધારીયાથી હુમલો કર્યો હતો. જેમાં મોઈનખાનના મામા માજીદખાનને માથામાં ઈજા પહોંચી હતી. જ્યારે મુનીમમીંયા અને હનીફે લાકડીથી મોઈનખાન અને વારીસભાઈને માર માર્યો હતો. આ બનાવમાં ત્રણંને ઈજા પહોંચી હતી. આ બનાવ અંગે ફરિયાદના આધારે ઉમરેઠ પોલીસે ત્રણ શખ્સો વિરૂદ્ધ ગુનો નોંધી કાર્યવાહી હાથ ધરી છે.