ફરિયાદ:ખડોધી ગામમાં ઝાડ કાપવા બાબતે સામ-સામે ફરિયાદ

ખંભાત તાલુકાના ખડોધીમાં ઝાડ કાપવા બાબતે દાંતી મારવાના બનાવમાં ખંભાત ગ્રામ્ય પોલીસે સામા પક્ષે ત્રણ શખ્સો વિરૂદ્ધ ફરિયાદ નોંધી કાર્યવાહી હાથ ધરી છે.ખંભાતના ધુવારણ ખાતે રહેતા ભારતસિંહ ખુમાનસિંહ મકવાણાએ નોંધાવેલી ફરિયાદમાં જણાવ્યું હતું કે, નટુ બાબુ સિંધા અને વિક્રમ બાબુ સિંધાએ મારી વાડના બાવળ અને ઝરડાં કેમ કાપે છે તેમ કહી અપશબ્દ બોલી ઝઘડો કર્યો હતો. તેમણે ઉશ્કેરાઈને તેમના બરડાના ભાગે દાંતી મારી દીધી હતી. જેને કારણે તેમને ગંભીર ઈજા થઈ હતી. વધુમાં જયાબેન નટુ સિંધાએ ઉશ્કેરણી કરી અપશબ્દ બોલી જાનથી મારી નાંખવાની ધમકી આપી હતી. આ મામલે ખંભાત ગ્રામ્ય પોલીસે ત્રણેય વિરૂદ્ધ મારામારીની કલમ હેઠળ ગુનો નોંધી કાર્યવાહી હાથ ધરી છે.