રિપોર્ટ / દુનિયાના 100 સિલેક્ટેડ ટૂરિસ્ટ ડેસ્ટિનેશનનું લિસ્ટ જાહેર થયું, પહેલા નંબરે હોંગકોંગ અને ટોપ 20માં દિલ્હી-મુંબઈ સામેલ

List of 100 Selected Tourist Destinations in the World Revealed

  • બ્રિટીશ માર્કેટિંગ રિસર્ચ કંપની યુરોમોનિટર ઇન્ટરનેશનલે 2019ના વિશ્વના 100 સિલેક્ટેડ ટૂરિસ્ટ ડેસ્ટિનેશનનું લિસ્ટ જાહેર કર્યું
  • એશિયન દેશોનો દબદબો ચાલુ જ છે, દિલ્હી 11મા ક્રમે અને મુંબઈ 14મા ક્રમે મુંબઇ, દાવો- દિલ્હી ટૂંક સમયમાં ટોપ 10માં આવશે

Divyabhaskar.com

Dec 10, 2019, 10:59 AM IST

ટ્રાવેલ ડેસ્કઃ બ્રિટિશ માર્કેટિંગ રિસર્ચ કંપની યુરોમોનીટર ઇન્ટરનેશનલ દ્વારા વર્ષ 2019ના વિશ્વના 100 સિલેક્ટેડ ટૂરિસ્ટ ડેસ્ટિનેશનનું લિસ્ટ જાહેર કરાયું છે. ટોપ 5 ડેસ્ટિનેશનમાં હોંગકોંગ, બેંગકોક, લંડન, મકાઉ અને સિંગાપોર છે. પરંતુ ટોપ 20માં ભારતના બે શહેરોનો સમાવેશ થાય છે. દિલ્હી 11માંઅને મુંબઇ 14મા સ્થાને છે. વર્ષ 2018ની તુલનામાં વર્ષ 2019માં આ બંને શહેરોમાં વિદેશી પ્રવાસીઓની સંખ્યામાં વધારો થયો છે.

ટોપ 10માં દિલ્હી સામેલ થવાની આશા
રિપોર્ટ શહેરના સાંસ્કૃતિક વારસા, યાદગાર અનુભવો અને આર્થિક પેકેજને આધારે તૈયાર કરવામાં આવ્યો છે. રિપોર્ટ અનુસાર, દિલ્હીમાં વર્લ્ડ ક્લાસ એરપોર્ટ, લક્ઝરી સુવિધાઓ, મેડિકલ, સ્પોર્ટ્સ અને કલ્ચરલ ટૂરિઝમ પર ધ્યાન આપવામાં આવી રહ્યું છે, જે તેને ભવિષ્યમાં તેને 8મા ક્રમે લઈ જઈ શકે છે. દિલ્હી અને મુંબઇ પછી આગ્રા એ ત્રીજું સૌથી મોટું પર્યટન સ્થળ હોવાનું કહેવાય છે. જો કે, તે 26મા સ્થાને છે અને વર્ષ 2018માં અહીં વિશ્વભરમાંથી 80 લાખ ટૂરિસ્ટ આવ્યા હતા.

હજી પણ એશિયાનો દબદબો
રિપોર્ટમાં 400 શહેરોનો ડેટા સામેલ કરવામાં આવ્યો છે. જ્યાં ઇન્ટરનેશનલ ટૂરિસ્ટ પહેંચ્યા અને ઓછામાં ઓછા 24 કલાક વિતાવ્યા. રિપોર્ટમાં ડોમેસ્ટિક ટૂરિસ્ટ અને ક્રૂઝ પેસેન્જરને સામલ કરવામાં નથી આવ્યા. 43 પર્યટક સ્થળો સાથે એશિયા ટોપ 100માં પ્રભુત્વ જાળવી રહ્યું છે. ત્યારબાદ યુરોપ, અમેરિકા અને આફ્રિકામાં ટૂરિસ્ટ ડેસ્ટિનેશન સામેલ છે. વર્ષ 2018ના રિપોર્ટમાં પણ ટોપ 10માંથી 6 એશિયન દેશોનો પણ સમાવેશ કરવામાં આવ્યો છે. તેમાં સૌથી આગળ એશિયન દેશોમાં હોંગકોંગ, બેંગકોક, સિંગાપોર, મકાઉ, કુઆલાલમ્પુર અને શેન્ઝાન સામેલ હતા.

રિપોર્ટ અનુસાર, સિંગાપોર એક ટૂરિસ્ટ ડેસ્ટિનેશન તરીકે ઝડપથી પ્રગતિ કરી રહ્યું છે. વર્ષ 2018ની તુલનામાં વર્ષ 2019માં પ્રવાસીઓની સંખ્યામાં 5.3 ટકાનો વધારો થયો છે. તેનું કારણ સિંગાપોરની શ્રેષ્ઠ પર્યટન વ્યૂહરચના અને સ્થાનિક બજાર ગણાવવામાં આવ્યું છે.
દુનિયાના ટોપ 20 બેસ્ટ ટૂરિસ્ટ ડેસ્ટિનેશન

X
List of 100 Selected Tourist Destinations in the World Revealed
COMMENT

Next Stories

    ની  સંપૂર્ણ વાંચનસામગ્રી