સ્પ્રિંગ રોલ / રેસિપીઃશિયાળામાં બનાવો હેલ્ધી ક્રિસ્પી સ્પ્રિંગ રોલ

Recipes: Make in winter Healthy crispy spring roll

Divyabhaskar.com

Jan 20, 2020, 06:44 PM IST
રેસિપીઃ નાના મોટા દરેકને ભાવશે સ્પ્રિંગ રોલ. હવે તમે સ્પ્રિંગ ઢોંસાની જેમ બનાવો સ્પ્રિંગ રોલ. તો હવે બનાવો ફટાફટ ઘરે સ્પ્રિંગ રોલ, જે ખાવામાં પણ સ્વાદિષ્ટ લાગે છે અને તેને બનાવવા માટે વધારે સમય પણ નથી લાગતો.
સામગ્રી
  • મેંદો - દોઢ કપ
  • સમારેલી કોબીજ - 1 કપ
  • પનીરનો ભૂકો - 100 ગ્રામ
  • સમારેલાં મરચાં - 1-2 નંગ
  • આદુંનું છીણ - 1 ચમચી
  • મરીનો ભૂકો - પા ચમચી
  • મરચું - પા ચમચી
  • સોયા સોસ - 1 ચમચી મીઠું - સ્વાદ મુજબ
  • તેલ - જરૂર પૂરતું
બનાવવાની રીત :
  • મેંદામાં દોઢ કપ પાણી ભેળવી પાતળું ખીરું તૈયાર કરી લગભગ એક કલાક માટે ઢાંકીને રાખી મૂકો. આના લીધે ખીરામાં થોડો આથો આવી જાય.
  • પેનમાં એક ચમચો તેલ ગરમ કરો. તેમાં સમારેલાં લીલાં મરચાં, આદુંનું છીણ, કોબીજ અને પનીરનો ભૂકો નાખીને એક મિનિટ સાંતળો. તે પછી મરીનો પાઉડર, મરચું, સોયા સોસ અને મીઠું ભેળવી મિક્સ કરીને આંચ પરથી ઉતારી લો.
  • તેને ઠંડું થવા દો. હવે નોનસ્ટિક લોઢી ગરમ કરી તેના પર એક ચમચી તેલ લગાવો. હવે લોઢી પર કપડું કે પેપર નેપ્કિન ફેરવો જેથી ખીરું તેના પર ચોંટે નહીં.
  • લોઢી સહેજ ગરમ થાય ત્યારે તેના પર મેંદાનું ખીરું એક ચમચો લઇ ઢોસાની જેમ પાતળું પાથરો. તેને બંને બાજુએ તેલ લગાવી સહેજ શેકો.
  • આછા બ્રાઉન રંગ થાય એટલે તેના પર સ્ટફિંગ મૂકી અને આ ઢોસાને અંદરની તરફ વાળો. તે પછી બાકીના ભાગને વાળીને રોલ બનાવો. બધા રોલ તૈયાર કર્યા બાદ તેને શેલો ફ્રાય કરો અથવા તેલ મૂકી બદામી રંગના સાંતળી લો.
X
Recipes: Make in winter Healthy crispy spring roll
COMMENT

Next Stories

    ની  સંપૂર્ણ વાંચનસામગ્રી