મિલ્ક પાઉડરનો હલવો / રેસિપીઃઘરે જ બનાવો ગરમા-ગરમ મિલ્ક પાઉડરનો હલવો

Recipe: Make a home-made milk powder halva

Divyabhaskar.com

Jan 30, 2020, 07:48 PM IST
રેસિપીઃ મોટા ભાગે આપણે મીઠાઇ માવામાંથી બનાવીએ છીએ, પરંતુ ક્યારેક ફોર-અ-ચેન્જ મિલ્ક પાઉડરમાંથી પણ મીઠાઇ બનાવી હોય તો તેનો સ્વાદ અલગ આવવા સાથે કંઇક નવું બનાવ્યાની પણ ખુશી થાય છે. તો ઘરે બનાવો મિલ્ક પાઉડરનો હલવો.
સામગ્રીઃ
  • મિલ્ક પાઉડર - 1 કપ
  • ખાંડ - પોણો કપ
  • મેંદો - 1 ચમચી
  • ચોખાનો લોટ - 2 ચમચી
  • એલચીનો ભૂકો - અડધી ચમચી
  • ઘી - અડધો કપ
  • પાણી - પોણો કપ
બનાવવાની રીત :
  • એક પેનમાં પાણી અને ખાંડને ભેગાં કરી ધીમી આંચે ઉકાળો. ખાંડ સારી રીતે ઓગળી જાય ત્યારે એમાં ધીરે ધીરે મિલ્ક પાઉડર નાખીને મિક્સ કરતાં જાવ જેથી તેમાં ગાંઠો ન બાઝી જાય.
  • તે પછી મેંદો અને ચોખાનો લોટ પણ ભેળવી અને હલાવતાં રહો.
  • આ મિશ્રણ ઘટ્ટ થવા લાગે અને પેનમાં ચોંટે નહીં ત્યારે ધીમે ધીમે તેમાં ઘી ભેળવો.
  • ઘી નાખતી વખતે મિશ્રણને સતત હલાવતાં રહેવું. તે પછી એલચીનો ભૂકો નાખી સારી રીતે મિક્સ કરો અને આંચ પરથી ઉતારી લો. હલવો તૈયાર છે.
  • તેના પર ડ્રાયફ્રૂટ્સના ટુકડા ભભરાવીને ટેસ્ટી હલવાનો સ્વાદ માણો.
X
Recipe: Make a home-made milk powder halva
COMMENT

Next Stories

    ની  સંપૂર્ણ વાંચનસામગ્રી