હાંડવો / રેસિપી: શિયાળામાં બનાવો હેલ્ધી અને ટેસ્ટી ગુજરાતી વાનગી હાંડવો

Recipes: Make a Healthy and Tasty Gujarati dish in handvo

Divyabhaskar.com

Dec 01, 2019, 05:49 PM IST

રેસિપી: હાંડવો એ ટ્રેડિશનલ ગુજરાતી વાનગી છે. આમાં અલગ-અલગ દાળ મિક્સ કરવાના કારણે શરીરને બધાં જ પોષકતત્વો પણ મળી રહેશે. શિયાળામાં બનાવો ટેસ્ટી અને હેલ્ધી હાંડવો.
સામગ્રી

  • બે કપ ચોખા
  • એક કપ તુવરની દાળ
  • પા કપ અડદની દાળ
  • પા કપ મગની દાળ
  • પા કપ ચણાની દાળ
  • પા કપ ઘઉં
  • પા કપ ખાટું દહીં
  • દસ લીલા મરચાં
  • એક નાનો ટુકડો આદુ
  • પાંચસો ગ્રામ દૂધી
  • સો ગ્રામ તેલ
  • એક ચમચી લાલ મસાલો
  • અડધી ચમચી હળદર
  • બે ચમચી રાઈ
  • બે ચમચી તલ
  • ત્રણ ચમચી ખાંડ
  • બે ચમચી અજમો
  • પા ચમચી મેથી દાણા
  • અડધી ચમચી હિંગ
  • મીઠું સ્વાદાનુસાર

બનાવવાની રીત

  • સૌપ્રથમ ચોખા અને બધા પ્રકારની દાળ અને ઘઉંને ભીના કપડાંથી લૂછી નાખો. હવે ભેગા કરી તેનો કકરો લોટ દળો.
  • હવે આ મિશ્રણમાં ખાટું દહીં, ગરમ પાણી વગેરે મિક્સ કરો. આ મિશ્રણને 7 થી 8 કલાક આથો આવવા માટે ઢાંકી મુકો.
  • આથો આવ્યા પછી તેમાં તેલ, લીંબુનો રસ, સોડિયમ બાયકાર્બોનેટ, ખાંડ, લાલ મસાલો, આદુ-મરચાંની પેસ્ટ, છીણેલી દૂધી, હળદર અને મીઠું નાખીને મિક્સ કરો.
  • હવે એક ડબ્બામાં, કે હાંડવાના કૂકરમાં તેલ લગાવી આ ખીરુ પાથરો. કડાઈમાં પાંચ છ ચમચી તેલ નાખીને તેને ગરમ કરો.
  • તેમાં રાઈ નાખો. 1 મિનિટ પછી તલ, અજમો, મેથી અને હિંગ નાખો. થોડું લાલ થયા પછી તેને ખીરાં પર પાથરી દો.
  • હવે હાંડવાના કૂકરને ઢાંકીને ધીમા ગેસ પર અડધો પોણો કલાક સુધી થવા દો. તો તૈયાર છે હાંડવો.
X
Recipes: Make a Healthy and Tasty Gujarati dish in handvo
COMMENT

Next Stories

    ની  સંપૂર્ણ વાંચનસામગ્રી