અડદિયા પાક / રેસિપીઃશિયાળામાં સ્વાસ્થ્ય માટે ફાયદાકારક છે અડદિયા પાક

Recipe: adadiyapak is beneficial for winter health

Divyabhaskar.com

Jan 29, 2020, 07:24 AM IST

રેસિપી ડેસ્ક. શિયાળો એટલે વસાણાની સિઝન. શિયાળાની ઠંડી શરૂ થાય કે તરત જ ગરમ મસાલા- તેજાના- સૂકો મેવો અને ઘી-ગોળથી ભરપૂર વસાણા બનાવવામાં આવે છે. તેમાંથી એક છે અડદિયા પાક. તેને ખાવાથી શરીર સ્ફૂર્તિમાં રહે છે તે શરીર માટે પણ ફાયદાકારક છે.

સામગ્રી

  • 1 લીટર દૂધ
  • 2કિલો ઘી
  • 20 એલચી
  • 2 કિલો અડદનો લોટ
  • 20 બદામ
  • 20 કાજૂ
  • 200 ગ્રામ ગુંદર
  • 1.750 ગ્રામ ખાંડ
  • સૂકા નાળિયેરનું છીણ
  • ખસખસ

બનાવવાની રીતઃ

  • સૌ પ્રથમ દૂધ અને ઘી ગરમ કરો. તેને બરાબર ઉકળવા દો.
  • ગરમ કરેલા દૂધ અને ઘીને અડદના લોટમાં મિક્સ કરો અને તેને બરાબર હળવા હાથે મિક્સ કરી લો.
  • એક પેનમાં ઘી ગરમ કરવા મૂકવું. તેમાં લોટ ઉમેરી ધીમા તાપે લોટ મરૂન કલરનો થાય ત્યાં સુધી શેકવો.
  • લોટ શેકાઈ જાય એટલે ગેસ બંધ કરી 4-5 ટી સ્પૂન ગરમ દૂધ ઉમેરી હલાવવું.
  • ગરમ લોટમાં જ તળેલો ગુંદ, સૂંઠ પાઉડર, ગંઠોળા પાઉડર , સૂકા નાળિયેરનું છીણ, પીપરનો પાઉડર, એલચી તથા જાવંત્રી પાઉડર અને ખસખસ ઉમેરી 1 મિનિટ હલાવવું.
  • મિશ્રણને હાથમાં લઈ શકાય તેટલું ઠંડુ પડે એટલે તેમાં દળેલી ખાંડ ઉમેરી મિક્સ કરવું.
  • મિશ્રણને થાળીમાં પાથરી અડદિયા પાકના ચોસલા પાડી લો. તૈયાર છે તમારો અડદિયા પાક
X
Recipe: adadiyapak is beneficial for winter health
COMMENT

Next Stories

    ની  સંપૂર્ણ વાંચનસામગ્રી