30 દિવસ 30 વાનગી:'તિબેટીયન શેફલ' છે ટેસ્ટી વાનગી, લાલ મરચાની તીખી ચટણી સાથે ખાવાથી આવશે ટેસ્ટ, આ રહી સ્ટેપ-ટુ-સ્ટેપ રેસિપી

એક મહિનો પહેલા
  • કૉપી લિંક

મહિલાઓના મત મુજબ, તહેવારોમાં પૂજાની સાથે પકવાનનું પણ વિશેષ મહત્ત્વ હોય છે. મહિલા વાચકોનાં મળેલાં સૂચન પ્રમાણે, ભાસ્કર 30 દિવસ સુધી રોજ એક વિશેષ ભારતીય વ્યંજન બનાવવાની રીત જણાવશે. એના માટે અમે રાજ્યોના પ્રખ્યાત શેફની એક પેનલ બનાવી છે. દરરોજ એક શેફ પોતાના રાજ્યના એક વિશેષ પકવાનની રીત જણાવશે, એટલે કે આ તહેવાર પર પરિવારને દરરોજ એક નવો સ્વાદ અને ખુશીઓની મહેક મળી રહેશે.

આ તિબેટીયન વાનગી તહેવારના દિવસે અચૂક બનાવવામાં આવે છે, આ વાનગી ગુજિયા જેવી દેખાઈ છે અને ક્યારેક સંપૂર્ણ ગોળાકાર આકાર ધરાવે છે. તેની અંદર ભરવાની સામગ્રી લદ્દાખ, સિક્કિમ અને ભારતના ઉત્તરપૂર્વીય રાજ્યોમાં સમિશ અને નિર્મિશ બંને છે. શેફલનો સ્વાદ ખારો હોય છે. જોકે, તેમને મોમોના ભાઈ-બહેન ન ગણો. મોમોને બાફવામાં આવે છે જ્યારે શાફલા તળેલા હોય છે.પણ હા, બંનેને મસાલેદાર ટામેટા અથવા લાલ મરચાની તેલની ચટણી સાથે પીરસવામાં આવે છે.

આજે પર્વનાં પકવાનમાં તિબેટિયન શેફલની રીત જણાવીશું. મસૂરીના કોર્પોરેટ શેફ લોસાલ તેનજિન જણાવી રહ્યા છે વાનગીની રીત...

સામગ્રી : 2-3 લોકો માટે
બનાવવાનો સમય : 15-20 મિનિટ

આ સામગ્રીની જરૂર પડશે

મેંદા : 1 કપ તલ : 2 ચમચી (મોણ માટે) મીઠું : થોડું

સ્ટફિંગ માટે:

પનીર :3/4 કપ છીણેલું આખું જીરું : 1 ચમચી લીલું મરચું : 2-3 બારીક સમારેલી કોથમીર : 1 ચમચી આદુ : 2 ઈંચ લાંબો ટુકડો બારીક સમારેલી ડુંગળી : 1 ચમચી બારીક સમારેલી (વૈકલ્પિક) તેલ: 2 ચમચી

આ રહી રીત

  • લોટમાં તેલ અને મીઠું ભેળવીને પાણીથી બાંધી લો.
  • તેને 1 કલાક ઢાંકીને રાખો.
  • એક બાઉલમાં ભરવાની સામગ્રી મિક્સ કરો.
  • ગૂંથેલા મેંદામાંથી ગોળ બોલ (5 ઇંચ પહોળા) બનાવો.
  • સ્ટફિંગને મધ્યમાં મૂકો અને એક કિનારી બીજી પર રાખો (ગુજિયાની જેમ).
  • કિનારીઓને હળવા હાથે દબાવો અને ચોંટાડો.
  • કિનારી સાથે ફ્રિન્જ જેવી ડિઝાઇન બનાવો. જો તમારે ગોળાકાર શફલ બનાવવી હોય તો એક રોટલીની ઉપર બીજી રોટલી મૂકો અને તેને પહેલાની જેમ કિનારીઓ દબાવીને ચોંટાડો.
  • એક કડાઈમાં તેલ ગરમ કરો અને એક સાથે 2-3 શફલને મધ્યમ તાપ પર ગોલ્ડન બ્રાઉન થાય ત્યાં સુધી તળો.
  • શેફલ તૈયાર છે.