ઉનાળામાં ત્વચાનું રાખો ધ્યાન:તડકાથી બચવા સનસ્ક્રીનનો ઉપયોગ ક્યારે અને કેટલો કરવો જોઈએ, આવો જાણીએ

3 મહિનો પહેલા
  • કૉપી લિંક

ઉનાળાની ઋતુમાં તડકાથી બચવું બેહદ મુશ્કેલ છે. ક્યારેક-ક્યારેક તો ના ઇચ્છવા છતાં પણ કોઈ કામ માટે બહાર જવું પડતું હોય છે. લોકો તડકા અને લૂથી સુરક્ષિત રહેવા માટે બધા જ પ્રકારના ઉપાયો અજમાવતા હોય છે. પરંતુ ત્વચાના બધા જ ભાગને તડકાથી બચાવી શકાતું નથી. ત્યારે ઉનાળામાં સનસ્ક્રીનને ત્વચાની સંભાળમાં મહત્વપૂર્ણ માનવામાં આવે છે. પરંતુ શું તમે જાણો છો કે જો સનસ્ક્રીનનો યોગ્ય રીતે ઉપયોગ કરવામાં ન આવે તો તે તમારી ત્વચાને નુકસાન પણ થઇ શકે છે. સ્કિન સ્પેશિયાલિસ્ટ ડૉ કશિશ કાલરા પાસેથી જાણીએ ક્યારે, કેવી રીતે અને ક્યાં પ્રકારના સનસ્ક્રીનનો ઉપયોગ કરવો જોઈએ.

સનસ્ક્રીનને લઈને છે અનેક તર્ક-વિતર્ક
સનસ્ક્રીન અને SPF એટલે કે સસ્પેન્ડેડ પાર્ટિક્યુલેટ મેટર વિશે ઘણી માન્યતાઓ છે, જેને સમજવી ખૂબ જ જરૂરી છે. ઘણી મહિલાઓ સનસ્ક્રીન અને SPFને લઈને ઘણી મૂંઝવણમાં હોય છે. SPF સનસ્ક્રીનમાં સૂર્યમાંથી નીકળતા UV કિરણો સામે રક્ષણ આપે છે. ઉદાહરણ તરીકે, જો તમે SPF-15 સનસ્ક્રીનનો ઉપયોગ કરી રહ્યાં છો, તો તમને તડકાથી 94 ટકા સુરક્ષા મળે છે. તે જ સમયે, જો તમે 50 SPFનું સનસ્ક્રીનનો ઉપયોગ કરી રહ્યાં છો, તો તે તમને 98 ટકા સુરક્ષા મળે છે. આનો અર્થ એ છે કે તે માત્ર એક માન્યતા છે કે જો SPFની માત્રા બમણી કરવામાં આવે તો સનસ્ક્રીન આપણી ત્વચાને બમણી રીતે સુરક્ષિત કરશે.
પરંતુ હકીકત એ છે કે, સનસ્ક્રીનમાં જેટલું SPFવધે છે તેટલું જ વધુ કેમિકલ સનસ્ક્રીનમાં ઉમેરવું પડે છે. બની શકે છે તે તમારી ત્વચા માટે સારું ના પણ હોય. ભારતમાં રહેતા લોકોને SPF-15 અથવા SPF-30 સનસ્ક્રીનનો ઉપયોગ કરવો જોઈએ.

સનસ્ક્રીનનો વપરાશ કરતા પહેલા SPF વિષે જાણી લેવું જોઈએ.
સનસ્ક્રીનનો વપરાશ કરતા પહેલા SPF વિષે જાણી લેવું જોઈએ.

કેવી રીતે કરી શકાય સનસ્ક્રીનનો ઉપયોગ
વિદેશની તુલનામાં આપણા દેશમાં સનસ્ક્રીનનો ઉપયોગ અલગ રીતે કરવો જોઈએ. આ પાછળનું કારણ એ છે કે, ભારતમાં અલગ-અલગ જગ્યા પર અલગ પ્રકારનું વાતાવરણ હોય છે અને દરેક ઋતુમાં આપણી ત્વચા કંઈક અલગ જ હોય છે. ઉનાળાની ઋતુમાં ત્વચા ઓયલી હોય છે. તો શિયાળામાં આપણી ત્વચા રુક્ષ થઇ જાય છે. તેથી દરેક ઋતુમાં એક જ પ્રકારના સનસ્ક્રીનનો ઉપયોગ ના કરવો જોઈએ. ભારતની વધુ પડતી મહિલાઓને સનસ્ક્રીનને લઈને પુરી જાણકારી હોતી નથી. આ બાબતે તમે સ્કિન સ્પેશિયાલિસ્ટની પણ સલાહ લઇ શકો છો અને જાણી શકો છો કે તમારી ત્વચા મુજબ તમારે ક્યાં પ્રકારનું સનસ્ક્રીન લગાવવું જોઈએ.

સનસ્ક્રીન ક્યારે અને કેટલું લગાવવું જોઈએ.
જો તમારી સ્કિન ઓયલી હોય તો તમારે જેલ બેઝ અથવા વોટર બેઝ સનસ્ક્રીન લગાવવું જોઈએ. જો તમારી ત્વચા ડ્રાય હોય તો તમે લોશન બેઝ અને ક્રીમ બેઝ સનસ્ક્રીન લગાવી શકો છો. આ સિવાય જો તમે રોજ મેકઅપ કરો છો તો તમે ટીન્ટેડ સનસ્ક્રીનનો પણ ઉપયોગ કરી શકો છો, જેમાં BB ક્રીમ મિક્સ કરેલું હોય છે.

સનસ્ક્રીન લગાવ્યા પહેલા ક્રીમ અચૂક લગાવવું જોઈએ.
સનસ્ક્રીન લગાવ્યા પહેલા તમારે ફેસવોશ કરીને ક્રીમ લગાવવું જોઈએ. ધ્યાન રાખો કે ક્રીમ લગાવ્યા બાદ 15થી 20 મિનિટ પછી સનસ્ક્રીન લગાવવું જોઈએ. હંમેશા સ્કિન અનુસાર સનસ્ક્રીનનો ઉપયોગ કરવો જોઈએ નહીં તો ચહેરા પર ખીલ અને ફોલ્લીઓની સમસ્યા થઇ શકે છે.