વિચિત્ર બીમારી:ઈંગ્લેન્ડની આ મહિલા 6 વર્ષથી દિવસમાં 30 વખત વોમિટ કરે છે, પેટમાં આંશિક પેરાલિસિસ હોવાથી તેનું જીવન અસ્તવસ્ત થયું

ઈંગ્લેન્ડની એક મહિલાની વિચિત્ર બીમારીને કારણે તેણે એક દિવસમાં 30 વખત વોમિટ કરવી પડે છે. છેલ્લાં 4 વર્ષથી મહિલાને આ બીમારી છે. આ બીમારીનું નામ 'ગેસ્ટ્રોપેરેસિસ' છે. બીમારીને કારણે તે સામાન્ય જીવનથી અળગી બની છે.

27 વર્ષની એમિલી વેબસ્ટર નામની મહિલાને આ વિચિત્ર બીમારી છે. 2016થી તે આ બીમારીથી પીડાય છે. શરૂઆતમાં ચેકઅપમાં ડૉક્ટર્સે તેને જણાવ્યું કે તેને પેટની કોઈ સામાન્ય બીમારી હશે. તેથી તે વોમિટ કર્યા કરે છે. જોકે હાઈ લેવલ ચેકઅપમાં તેની આ બીમારી સામે આવી હતી.

આ બીમારીમાં પેટ આંશિક રીતે પેરાસિસિસ થયેલું હોય છે. તેથી પેટ તમામ ભોજન પચાવી શકતું નથી. તેથી તેને વાંરવાર વોમિટ થાય છે. આવી વિચિત્ર બીમારીને કારણે એમિલી 6 વર્ષથી સામાન્ય જીવન જીવી શકી નથી.

સામાન્ય જીવનની આશા

આ વખતનું ક્રિસમસ એમિલી તેના ફ્રેન્ડ્સ સાથે ઉજવવા માગે છે. ઘણા વર્ષોથી તેણે ન તો ફ્રેન્ડ્સ સાથે એન્જોય કર્યું છે, ન કોઈના લગ્નમાં હાજરી આપી છે ન ક્રિસમસ સેલિબ્રેટ કર્યું છે.

આશાનું કિરણ

11 નવેમ્બરે એમિલીની સર્જરી થવાની છે. તેના પેટમાં ગેસ્ટ્રિક પેસમેકર મૂકવામાં આવશે. આ ડિવાઈસ તેનું પેટ સામાન્ય રીતે કામ કરે તેમાં મદદ કરશે.