બ્યુટી ટિપ્સ:ટ્રેંડમાં છે આ આઈ મેકઅપ, આંખોને ખુબસુરત દેખાડવા માટે આ રીતે લગાવો આઇલાઇનર

આજકાલ કલરફુલ અને ઘણી ડિઝાઈનર સ્ટ્રોક્સ આઇલાઇનર ટ્રેંડમાં છે. બ્યુટી એક્સપર્ટ દિવ્ય ઠાકુર આંખની ખુબસુરતીમાં ચાર ચાંદ લગાવવા માટે કઈ આઇલાઇનર સ્ટ્રોક્સનો ઉપયોગ કરવો તે જણાવે છે.

આખા લુકમાં આંખનો લુક સૌથી ખુબસુરત માનવામાં આવે છે. આઇલાઇનર આંખની ખુબસુરતીમાં ઘણો વધારો કરે છે. જો યોગ્ય રીતથી આઇલાઇનર કરવામાં આવે તો સુંદરતામાં ચાર ચાંદ લાગી શકે છે.

સ્મોકી આઇલાઇનર છે દીપિકા પાદુકોણની ફેવરિટ
સ્મોકી આઈલાઈનર આંખોને જાદુઈ લુક આપે છે. બોલ્ડ લુક માટે તેને વેસ્ટર્ન ડ્રેસ અથવા સાડી સાથે સ્ટાઈલ કરો.દીપિકા પાદુકોણે કાન્સ ફિલ્મ ફેસ્ટિવલમાં તેના રેડ કાર્પેટ વોક દરમિયાન સાડી સાથે આ આઈલાઈનર લુક પસંદ કર્યો હતો.

નુસરત ભરૂચા પાસેથી જાણીએ રિવર્સ વિંગ્ડ આઈલાઈનર ટિપ્સ
નુસરત ભરૂચાએ રિવર્સ વિંગ્ડ આઈલાઈનર લગાવ્યું છે. રિવર્સ વિંગ્ડ આઈલાઈનર લોઅર લેશ લાઈન પર લગાવવામાં આવે છે. વોટરપ્રૂફ પેન્સિલ આઈલાઈનરથી લોઅર લેશ લાઈન પર આઈલાઈનર લગાવતી વખતે ઉપરની તરફ સ્ટ્રોક કરો. દેખાવ માટે વોટરલાઇન (નીચલી પાંપણ અને આંખોની નજીકનો વિસ્તાર) પર લાઇનર લગાવો.

નાની આંખોને મોટી દેખાડશે વિંગ્ડ આઈલાઈનર
વિંગ્ડ આઈલાઈનરને કેટ આઈલાઈનર પણ કહેવામાં આવે છે. આ આઇલાઇનર આંખોને ખૂબ જ સુંદર દેખાવ આપે છે. જો આંખો નાની હોય અને આ આઇલાઇનર કરવામાં આવે તો આંખ મોટી દેખાય છે. પરંતુ વિંગ્ડ આઈલાઈનરને એંગુલર બ્રશની મદદથી લગાવી શકાય છે.

કલર આઇલાઇનરનાં શેડ્સ કરો ટ્રાય
બોલ્ડ મેકઅપ ફરી એકવાર ટ્રેન્ડમાં છે.બ્લુ, એક્વા, પીકોક ગ્રીન, ગોલ્ડન, સિલ્વર, બ્રોન્ઝ, ઓરેન્જ, મેજેન્ટા અને પર્પલ જેવા આઈલાઈનર શેડ્સ સાથે તમારી મનપસંદ આઈલાઈનર કરી શકો છો.

ક્યૂટ લુક માટે આઇલાઇનર સ્ટાઇલ
ગ્રાફિક એરો આઇલાઇનર લેટેસ્ટ બ્યુટી ટ્રેન્ડ છે. બ્લેક ગ્રાફિક એરો આઈલાઈનર આંખોમાં ચમક આપશે અને રંગીન ગ્રાફિક એરો આઈલાઈનર ફંકી અને બબલી લુક આપશે.આઉટિંગ અથવા ડિનર ડેટ પર અલગ દેખાવ માટે ટ્રાય કરો.