તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Lifestyle
  • The Woman Gave Birth To A Baby 14 Months After Her Husband's Death, Find Out How This Miracle Happened

અમેરિકા:મહિલાએ પતિના મૃત્યુના 14 મહિના પછી બાળકને જન્મ આપ્યો, જાણો આ ચમત્કાર કેવી રીતે થયો

એક મહિનો પહેલા
  • કૉપી લિંક
સારા શેલેનબર્ગરે આ વર્ષે 3 મેના રોજ પુત્ર હેસને જન્મ આપ્યો છે. ​​​​​સારા શેલેનબર્ગર પતિ સ્ટોકનું ગયા વર્ષે ફેબ્રુઆરીમાં હાર્ટ અટેકના કારણે નિધન થઈ ગયું. - Divya Bhaskar
સારા શેલેનબર્ગરે આ વર્ષે 3 મેના રોજ પુત્ર હેસને જન્મ આપ્યો છે. ​​​​​સારા શેલેનબર્ગર પતિ સ્ટોકનું ગયા વર્ષે ફેબ્રુઆરીમાં હાર્ટ અટેકના કારણે નિધન થઈ ગયું.
  • સારા શેલેનબર્ગરે જણાવ્યું કે, લગ્નના ઘણા વર્ષો પછી પણ બાળક થતું નહોતું
  • અમે ડૉક્ટરનો સંપર્ક કર્યો અને અમારી પાસે માતા-પિતા બનવાનો એક માત્ર ઉપાય IVF હતો

એક મહિલાએ તેના પતિના મૃત્યુના 14 મહિના બાદ બાળકને જન્મ આપ્યો. આ સાંભળીને તમને આશ્ચર્ય થશે કે, પરંતુ આ સત્ય છે. હકીકતમાં 40 વર્ષની સારા શેલેનબર્ગરના 41 વર્ષીય પતિ સ્કોટનું ગયા વર્ષે ફેબ્રુઆરીમાં હાર્ટ અટેક બાદ મૃત્યુ થઈ ગયું અને હવે સારાએ આ વર્ષે મે મહિનામાં બાળકને જન્મ આપ્યો.

મિરરના રિપોર્ટ અનુસાર, અમેરિકાના ઓક્લાહોમા શહેરમાં રહેતી સારા શેલેનબર્ગરે આ વર્ષે 3 મેના રોજ પુત્ર હેસને જન્મ આપ્યો છે. ​​​​​સારા શેલેનબર્ગર એક સાયન્સ પ્રોફેસર છે અને તેનો પતિ સ્કોટ પણ સાયન્સ પ્રોફેસર હતો, જેનું ગયા વર્ષે ફેબ્રુઆરીમાં હાર્ટ અટેકના કારણે નિધન થઈ ગયું.

ઘણી રસપ્રદ છે લવ સ્ટોરી
સારા શેલેનબર્ગરે જણાવ્યું કે, અમારી પહેલી મુકાલાત કોલેજમાં અભ્યાસ દરમિયાન થઈ હતી પરંતુ અમે પહેલી વખત 2017માં એકબીજાને ડેટ કરવાનું શરૂ કર્યું જ્યારે સ્કોટે સોશિયલ મીડિયા દ્વારા મારો કોન્ટેક્ટ કર્યો. ત્યારબાદ અમે મળ્યા અને ડેટ કરવાનું શરૂ કર્યું. તેના 4 મહિના બાદ અમે સગાઈ કરી અને પછી સપ્ટેમ્બર 2018માં લગ્ન કરી લીધા.

લગ્ન બાદ બાળક થતું નહોતું
સારા શેલેનબર્ગરે જણાવ્યું કે, અમે બંને ઓછામાં ઓછા ત્રણ બાળકો ઈચ્છતા હતા અને અમારો પરિવાર શરૂ કરવા માટે ઘણા ઉત્સાહિત હતા. તેથી લગ્નના તરત બાદ બાળક માટે પ્રયાસ શરૂ કરી દીધા, પરંતુ ઘણા સંઘર્ષ પછી પણ હું ગર્ભવતી થઈ શકી નહીં. ત્યારબાદ અમે ડૉક્ટરનો સંપર્ક કર્યો અને અમારી પાસે માતા-પિતા બનવાનો એક માત્ર ઉપાય IVF હતો.

હવે કેવી રીતે બાળકને જન્મ આપ્યો?
સારા શેલેનબર્ગર જણાવે છે કે, ડૉક્ટરની સલાહ પર મેં અને સ્કોટે બાર્બાડોસ ફર્ટિલિટી ક્લિનિકમાં ભ્રૂણને સુરક્ષિત રાખ્યું હતું. જો કે, તેના થોડા દિવસો બાદ સ્ટોકનું મૃત્યુ થઈ ગયું. તે હંમેશાં ઈચ્છતો હતો કે હું તેના બાળકને જન્મ આપું, તેથી ગયા વર્ષે મેં IVF દ્વારા માતા બનવાનું નક્કી કર્યું અને ઓગસ્ટમાં ગર્ભવતી થઈ.