વર્લ્ડ હેલ્થ ડે:હાઈ હીલને લીધે મહિલાઓમાં ઓર્થોપેડિક તકલીફ વધી, વધારે સમય સુધી પહેરવાથી હાડકાં તૂટે છે અને સ્પાઈન પર અસર થાય છે

હાઈ હીલ પહેરવાને લીધે મહિલાઓમાં ઓર્થોપેડિક તકલીફ વધી ગઈ છે. હીલ પહેરીને ચાલવાથી શરીરનો બધો ભાર પગ પર પડે છે. રોજ પહેરવાથી મહિલાઓમાં અનેક પ્રકારની તકલીફ શરુ થઇ જાય છે. જો હીલ્સ પહેરવાની સાથે અમુક વાર સાદા ચંપલ પહેરવામાં આવે તો આ બધી તકલીફથી છૂટકારો મળી શકે છે.

ઓસ્ટિયોઆર્થ્રાઈટિસ: વધારે હીલથી ઘૂંટણ અને સાંધા પર દબાણ વધે છે. તેને લીધે ઓસ્ટિયોઆર્થ્રાઈટિસનું જોખમ અનેક ગણું વધી જાય છે. આ બીમારીમાં હાડકા તૂટવા લાગે છે. પુરુષોની સરખામણીમાં મહિલાઓમાં આ બીમારીનું જોખમ બે ગણું વધારે હોય છે.

સ્પાઈન પર અસર: હિલ્સ પહેરવાથી એડી પર જોર પડે છે. સ્પાઈન પર પણ વધારે ભાર આવે છે. તેનાથી સ્પાઈન ડિસ્ટર્બ થવાનો ડર લાગી શકે છે.

વજનમાં અસંતુલન: હાઈ હીલ પહેરવાથી વજનમાં સંતુલન બગડી જાય છે. તેને લીધે સાંધા અને હાડકાં પર ખરાબ અસર થાય છે.

ફ્રેકચર અને પ્લાસ્ટર: વધારે સમય સુધી ઊંચી હીલ પહેરવામાં આવે તો હાડકા ભાંગી શકે છે.

પોશ્ચર પર અસર: હીલ્સથી પગ પર ભાર વધે છે. ઘણીવાર બેલેન્સ રાખવાના ચક્કરમાં ઊભા રહેવાની રીત બગડી જાય છે.