• Gujarati News
  • Lifestyle
  • The Father Refused To Pay The Alimony If The Daughter Shared The Photos On Instagram, The Court Said.

કોર્ટે દીકરીની તરફેણમાં આપ્યો ચુકાદો:દીકરીએ ઇન્સ્ટાગ્રામ પર તસવીરો શેર કરી તો પિતાએ ભરણપોષણ આપવાનો કર્યો ઇન્કાર, કોર્ટે કહ્યું કે, તસવીર પરથી ખબર ન પડે સારું કમાય છે

3 મહિનો પહેલા
  • કૉપી લિંક

એક પિતાએ દીકરીને ભરણપોષણ ન આપવા બાબતે બોમ્બે હાઇકોર્ટમાં અરજી કરી છે. પિતાએ આ ભરણપોષણ ન આપવા પાછળ કારણ જણાવ્યું હતું કે, દીકરી ઇન્સ્ટાગ્રામ પર સારી-સારી તસવીર શેર કરી રહી છે. પરંતુ આ મામલે હાઇકોર્ટે પિતાની અરજી ફગાવીને દીકરીની તરફેણમાં ચુકાદો આપ્યો હતો. બોમ્બે હાઇકોર્ટે જણાવ્યું હતું કે, સોશિયલ મીડિયા પર શેર કરવામાં આવેલી તસવીર હંમેશા સાચી નથી હોતી.

કોર્ટ દ્વારા દીકરીની તરફેણમાં ત્યારે નિર્ણય આપ્યો જયારે પિતાએ જ્યારે પિતાએ પુરાવા રજૂ કર્યા કે તેમની પુત્રી એક મોડેલ છે, જે દર વર્ષે લગભગ 72-80 લાખ રૂપિયાની કમાણી કરે છે અને આ તેની સોશિયલ મીડિયા પ્રોફાઇલ અને ફોટામાં પરથી પણ ખબર પડે છે.

જજ ભારતી ડાંગરેની ખંડપીઠે ફેમિલી કોર્ટના એ અભિપ્રાય સાથે સહમતી દર્શાવી હતી કે, ઇન્સ્ટાગ્રામ/સોશિયલ મીડિયા પર જે તસવીરો છે તે સાબિત કરવા માટે પૂરતા નથી કે યુવતી સ્વતંત્ર છે અને તેની પાસે પૂરતી આવક છે. જણાવી દઈએ કે કોર્ટે આ નિર્ણય અનિલ ચંદ્રવદન વિરુદ્ધ સ્ટેટ ઓફ મહારાષ્ટ્રના કેસમાં આપ્યો છે.

ભરણપોષણનો કાયદો શું છે?

  • આ મામલે એડવોકેટ દિલીપ કુમારે જણાવ્યું હતું કે, હિન્દૂ મેરેજના એક્ટની કલમ 24, 25 અને 26 હેઠળ ભરણપોષણનો નિર્ણય લેવામાં આવે છે. ભરણપોષણ આપવાના નિર્ણયમાં બાળકના પિતાની આર્થિક સ્થિતિ અને અન્ય પરિબળો એટલે કે સંપત્તિને પણ ધ્યાનમાં લેવામાં આવે છે.
  • કોર્ટ કલમ 25(2) કહેઠળ કરવામાં આવેલા અથવા આપવામાં આવેલા ભરણપોષણના આદેશ પર પુનર્વિચાર કરી શકે છે. સંજોગો પર આધાર રાખીને, કોર્ટ ભરણપોષણની રકમમાં વધારો, ઘટાડો અથવા રદ કરી શકે છે.
  • કેટલાક કેસોમાં ભરણપોષણમાં ફેરફાર અને રદ કરી શકાય છે.
  • કલમ 26 મુજબ કોર્ટ બાળકોની ઈચ્છાને ધ્યાનમાં રાખીને કોઈપણ કામચલાઉ આદેશ કરી શકે છે.
  • હાલના કાયદા (CRPC ની કલમ 125) મુજબ, બાળક કાયદેસર હોય કે ગેરકાયદેસર, બંને કિસ્સાઓમાં ભરણપોષણ મેળવવા માટે હકદાર છે. કાનૂની નિષ્ણાતોનું કહેવું છે કે આવા કિસ્સામાં જે વ્યક્તિ બાયલોજીકલ પિતા સાબિત થાય છે, તેને તેના પૈતૃક સંપત્તિમાં બાળકનો અધિકાર રહેશે, પરંતુ પિતાની પોતાની હસ્તગત મિલકતમાં બાળકનો અધિકાર રહેશે નહીં.
  • જ્યારે એવું સાબિત થાય છે કે વ્યક્તિ આવી વ્યક્તિનોબાયલોજીકલ પિતા છે, ત્યારે પુત્ર/પુત્રીને તમામ હક્કો મળે છે અને તે પૈતૃક મિલકતનો દાવો કરી શકે છે.
  • ઉપરાંત, તે મિલકતમાં તેનો હિસ્સો ન મળે ત્યાં સુધી તે ભરણ પોષણની માગ પણ કરી શકે છે.