તમારા શહેરના લેટેસ્ટ સમાચાર અને ફ્રી ઈ-પેપર મેળવો

ડાઉનલોડ કરો
  • Gujarati News
  • Lifestyle
  • Seeing The Dog In The Car Parked In The Parking Lot, The Woman Opened The Car Door Of The Stranger's Car, The Owner Threatened Woman By Calling The Police

અમેરિકા:પાર્કિંગમાં રહેલી કારમાં શ્વાનને ગભરાયેલું જોઈ મહિલાએ અજાણી વ્યક્તિની કારનો દરવાજો ખોલી દીધો, માલિકણે મહિલા સાથે મગજમારી કરી પોલીસની ધમકી આપી

એક મહિનો પહેલા
  • કૉપી લિંક
  • જેનિફર નામની મહિલાને પાર્કિંગમાં રહેલી કારમાં રહેલા શ્વાનને જોઈ દયા આવી
  • અનેકો મિનિટ્સ સુધી શ્વાનના માલિકની રાહ જોયા બાદ મહિલાએ કારનો દરવાજો ખોલી દીધો
  • પોતાની કારનો દરવાજો ખુલ્લો જોઈ મહિલા જેનિફર પર લાલગુમ થઈ ગઈ

પ્રાણીઓ પ્રત્યે સંવેદના હોવી એ સારી બાબત છે પરંતુ આ સંવદેના ક્યારેક મોટા ઝઘડાંનું કારણ બની જતી હોય છે. અમેરિકાની એક મહિલા સાથે આવું જ બન્યું છે. એક પાર્કિંગમાં જેનિફર નામની મહિલાને 30 ડિગ્રી સેલ્સિયસ તાપમાનમાં કારમાં બંધ શ્વાનને જોઈ દયા આવી. શ્વાનને વધુ તકલીફ ન પડે તેથી જેનિફરે અજાણી વ્યક્તિના કારનો દરવાજો ખોલી દીધો. શ્વાન અને કાર માલિકે આ જોઈને તેના પર ચડાઈ કરી દીધી.

જેનિફરે જોયું કે પાર્કિંગમાં પડેલી કારમાં એક શ્વાન છે. વેન્ટિલેશન માટે કાર માલિકે 2 ઈંચ જેટલી બારી ખુલ્લી રાખી હતી પરંતુ ગ્રોસરી સ્ટોરની બહાર 20 મિનિટથી વધારે માલિકની રાહ જોયા બાદ જેનિફરને શ્વાન પર દયા આવી. તેણે કંઈ પણ વિચાર્યા વગર અજાણી વ્યક્તિની કારનો દરવાજો ખોલી દીધો. તે સમયે શ્વાન ગભરાયેલું હતું અને ધ્રૂજી રહ્યું હતું.

થોડી વારમાં ત્યાં શ્વાન અને કારની માલિકણ આવી પહોંચી. પોતાનો કારનો દરવાજો ખુલ્લો જોઈને તે જેનિફર પર ભડકી ઉઠી. જેનિફરે મહિલાને સમજાવ્યું કે શ્વાનને ગભરાયેલું જોઈ તેણે કારનો દરવાજો ખોલવાનો નિર્ણય કર્યો પરંતુ મહિલા ટસની મસ ન થઈ અને જાહેરમાં જેનિફરને મનફાવે તેમ ઉશ્કેરાઈને બોલવા લાગી.

બંને વચ્ચે એટલી મગજમારી થઈ કે તેઓ એકબીજાને પોલીસ બોલાવાની ધમકી આપવા લાગ્યા. આ સમગ્ર ઘટના ત્યાં હાજર એક અન્ય મહિલા જોશુઆએ તેના કેમેરામાં કેદ કરી સોશિયલ મીડિયા પર શેર કરી. શ્વાન પ્રત્યે 2 મહિલાનો સંવદેના જણાવતો આ વીડિયો હાલ સોશિયલ મીડિયામાં વાઈરલ થઈ રહ્યો છે.

અન્ય સમાચારો પણ છે...