વિદેશમાં ભારતનો ડંકો:કર્ણાટકની રશ્મિ સામંત ઓક્સફર્ડ સ્ટુડન્ટ યુનિયનની અધ્યક્ષ બનનાર પ્રથમ મહિલા બની, ઉપાધ્યક્ષ અને ટ્રસ્ટી પદે દેવિકા અને ધીતિની વરણી

વિદેશી ધરતી પર ફરી એકવાર ભારતીયોઓ પોતાનો પ્રભાવ વધારી દેશનું ગૌરવ વધાર્યું છે. લંડનની ઓક્સફર્ડ યુનિવર્સિટીમાં સ્ટુડન્ટ યુનિયનની અધ્યક્ષ પદનું ગૌરવ કર્ણાટકની રશ્મિ સામંતને મળ્યું છે. રશ્મિ પ્રથમ એવી ભારતીય મહિલા છે જેણે ઓક્સફર્ડ યુનિવર્સિટીમાં સ્ટુડન્ટ યુનિયનની અધ્યક્ષ બનવાનું ગૌરવ મળ્યું હોય. તે ઓક્સફર્ડ યુનિવર્સિટી સ્થિત લિનેકેર કોલેજમાં એનર્જી સિસ્ટમમાં MSc કરી રહી છે. રશ્મિને અધ્યક્ષ પદના ઈલેક્શનમાં 3780 મતોમાંથી 1966 વોટ મળ્યા છે.

રશ્મિનો મેનિફેસ્ટો

તેના મેનિફેસ્ટો અનુસાર, રશ્મિ યુનિવર્સિટી અને કોલેજ કોન્ફરન્સમાંથી એ મૂર્તિઓ દૂર કરવા માગે છે જે સામ્રાજ્યવાદી છે. સાથે જ મેન્ટલ હેલ્થ વેલફેર માટે ફંડિગ પણ વધારવામાં માગે છે.

રશ્મિની માતાનું નામ વત્સલા અને પિતાનું નામ દિનેશ સામંત છે. રશ્મિએ મણિપાલ અને ઉડ્ડુપીથી સ્કૂલિંગ કર્યું છે. તેના પિતા બિઝનેસમેન અને માતા હાઉસવાઈફ છે. રશ્મિએ મણિપાલ ઈન્સ્ટિટ્યુટ ઓફ ટેક્નોલોજીથી ગ્રેજ્યુએશન કર્યું છે. ભારત માટે વધુ ગૌરવની વાત એ છે કે વર્ષ 2021-22 માટે વિદ્યાર્થી સંધની ચૂંટણીમાં ઉપાધ્યક્ષ પદ પર પણ ભારતીય મૂળની દેવિકા અને ટ્રસ્ટીના પદે ધીતિ ગોયલની વરણી થઈ છે.

ચૂંટણી જીતવા માટે 4 પ્રાયોરિટી નક્કી કરી હતી
રશ્મિને અન્ય ત્રણ ઉમેદવારો કરતાં પણ વધારે મત મળ્યા છે. રશ્મિએ ચૂંટણી જીતવા માટે 4 પ્રાયોરિટી નક્કી કરી હતી. રિપોર્ટ પ્રમાણે કુલ 4881 વિદ્યાર્થીઓએ 36,405 મતો આપ્યા હતા. તેમાંથી રશ્મિને પ્રેસિડન્ટ પદ માટે રશ્મિને 1966 મત મળ્યા. આ આંકડો અન્ય 3 ઉમેદવારોના કુલ મત કરતાં વધારે છે.