બ્યુટી ટિપ્સ:લગ્નની સીઝનમાં મેકઅપ પ્રોડક્ટસના ખર્ચ પર બચત કરો, જાણો ટિપ્સ

મેકઅપ પ્રોડક્ટસની માગ તો હંમેશા રહેતી જ હોય છે. પરંતુ લગ્નની સિઝન આવતા જ મેકઅપ પ્રોડક્ટસની માગમાં વધારો થઇ જાય છે. સારી ક્વોલિટીના મેકઅપની પ્રોડક્ટસનાં ઉપયોગ માટે હજારો રૂપિયાનો ખર્ચ કરવો પડે છે. પરંતુ તમારી કોઠાસૂઝથી બ્યુટી ટ્રીટમેન્ટ અને મેકઅપમાં ઘણી રીતે બચત કરી શકો છો. બ્યુટીશિયન રાખી પાંડેએ જણાવ્યું હતું કે, મેકઅપ પર ખર્ચ થનારા પૈસાની કેવી રીતે બચત કરી શકાય છે. એક મેકઅપ બ્રશનો ત્રણથી ચાર રીતે ઉપયોગ કરી શકાય છે.

પાઉડર બ્રશનો ઉપયોગ હાઈલાઈટિંગ માટે પણ કરી શકાય છે
મેકઅપ કિટમાં સૌથી જરૂરી બ્રશ હોય તો તે પાઉડર બ્રશ છે. આ બ્રશનો ઉપયોગ મેકઅપને સેટ કરવા માટે કરવામાં આવે છે. આ ઉપયોગ કરવા માટે બ્રશમાં થોડો પાઉડર લો અને તેને આંખની નીચે અને ટી જોન પર ધીમે-ધીમે લગાવો.

બ્યુટી બ્લેન્ડરનો આ રીતે કરો ઉપયોગ
ફાઉન્ડેશન અને કંસીલરને આખા ચહેરા પર લગાવીને સારી રીતે સેટ કરવા માટે બ્યુટી બ્લેન્ડરનો ઉપયોગ કરવામાં આવે છે. સારી રીતે લગાવવા માટે બ્યુટી બ્લેન્ડરને ભીનું કર્યા બાદ તેના પર ફાઉન્ડેશન લગાડીને ચહેરા પર લગાડી શકાય છે. બ્યુટી બ્લેન્ડરનો અલગ-અલગ રીતે પણ ઉપયોગ કરી શકો છો.

કાબુકી બ્રશથી લગાવો ફાઉન્ડેશન અને બ્લશ
મેકઅપ પ્રોડક્ટસમાં આ ખાસ પ્રકારનું બ્રશ હોય છે જે બ્રશનો ઉપયોગ બ્લશર બ્રશની જેમ કરી શકાય છે. આ બ્રશથી કપાળથી લઈને ગાલ સુધી અને ગળા સુધી ત્રણ આકાર બનાવીને લગાવવામાં આવે છે. જેનાથી મેકઅપનું પરફેક્ટ ફિનિશિંગ આવે છે. આ બ્રશને બીજી અનેક રીતે પણ ઉપયોગમાં લેવામાં આવે છે.આ બ્રશનો ઉપયોગ પાવડર, ફાઉન્ડેશન, બ્લેડિંગ અને બ્લશ લગાવવામાં માટે પણ કરી શકાય છે.

લિક્વિડ ફાઉન્ડેશનને બ્લશ લગાવવા માટે ફૈન બ્રશનો કરો ઉપયોગ
આ બ્રશનો ઉપયોગ ચહેરા પર ચમક લાવવા માટે કરવામાં આવે છે. મેકઅપ કર્યા છતાં પણ ચહેરા પર ચમક જોવા મળતી ના હોય તો ફૈન બ્રશની દ્વારા તમે હાઈલાઈટરથી આંખ અને ગળાનાં ભાગ પર હળવા હાથથી લગાવી શકો છો. આ બાદ મોઢા પર ચમક આવવા લાગે છે.

આઈબ્રો ફિલંગ અને શેપિંગ માટે ઉપયોગ કરો એંગલ આઈ લાઈનર બ્રશ
જો તમને વિગન્ડ આઈલાઈનર લગાવવાનું ગમતું હોય પરંતુ લગાવવું મુશ્કેલ હોય તો તમે એન્ગલ આઈ લાઈનર બ્રશનો ઉપયોગ કરી શકો છો. આ બ્રશની મદદથી તમે પાતળી અને બારીક લાઇનર લગાવી શકો છો.
આ બ્રશથી આઈબ્રો ફિલંગ અને શેપિંગ માટે પણ વાપરી શકો છો. આ સિવાય તમે લાઇનરને સ્મજ કરવા માંગો છો તો તમે તેના માટે એંગલ આઇ લાઇનર બ્રશનો પણ ઉપયોગ કરી શકો છો.