માણસ કુતરા-બિલાડી પાળવાને લાયક છે કે નહીં:24 કલાકથી વધુ સમય સુધી પાલતુ પશુઓને એકલા ન રાખી શકો, આ દેશમાં છે વિચિત્ર નિયમ

આજે ઘરે-ઘરે પાલતુ કૂતરાઓ રાખે છે. પરંતુ અમુકવાર પશુ પ્રેમીઓ આ ન કરવાની પણ સલાહ આપે છે. બ્રિટિશ વડા પ્રધાન ઋષિ સુનક અને તેમનાં પત્નીને તે સમયે અસહજતા અનુભવવી પડી હતી; જ્યારે તેને એક નાની ભૂલ માટે પોલીસકર્મીએ ટોક્યા હતા. પીએમ સુનક પત્ની અક્ષતા સાથે લંડનના એક પાર્કમાં ફરવા ગયા હતા ત્યાં તેમની સાથે તેનો કૂતરો પણ હતો.

તમે વિચારી શકો છો કે વડાપ્રધાન એમના પાલતુ કુતરાને બાંધીને રાખે છે તો કોઈનાથી ડરવાની જરૂર નહીં પડે. પરંતુ પીએમ સુનકનો કૂતરો આખા પાર્કમાં કૂદવા લાગ્યો. હતો. ત્યારે એક પોલીસકર્મીએ આ માટે પીએમ અને તેમની પત્નીને રોક્યા અને તેમના કૂતરાને ચેઈન સાથે બાંધી દેવા માટે કહ્યું હતું. આ પાછળનું કારણ કે તેનાથી અન્ય લોકો અને તેમના પાલતુ કૂતરોને સમસ્યા થઈ રહી હતી. જે બાદ પીએમ અને તેમની પત્નીને પોતાની ભૂલનો અહેસાસ થાય છે અને તેઓ કૂતરાને સાંકળથી બાંધી દે છે.

તો બીજી તરફ છેલ્લા કેટલાક સમયથી દેશમાં કૂતરાના ઉછેર અને તેની જાળવણીને લઇને ઘણી ચર્ચાઓ થઇ રહી છે. મીડિયામાં કૂતરા કરડવાના ઘણા રિપોર્ટ્સ આવતા રહે છે. ગાઝિયાબાદ મ્યુનિસિપલ કોર્પોરેશન અને નોઇડા વહીવટીતંત્રે એક નિયમ બનાવ્યો હતો કે કૂતરાના કરડવા બદલ માલિક પાસેથી દંડ વસૂલવામાં આવશે.

આ વચ્ચે સ્પેનમાંથી એક વિચિત્ર ખબરની ચર્ચા થઇ રહી છે. સ્પેનની સંસદ દ્વારા પશુ પાળવાને લઈને એક નવો કાયદો બનાવ્યો છે. જેમાં કૂતરું પાળવા માગો છો તો તમારે ટ્રેનિંગ પણ લેવી પડશે તેવો ફતવો બહાર પાડ્યો છે. આ સાથે જ પશુઓ સાથે ક્રૂરતા કરવા પર સજા પણ ફટકારવામાં આવી શકે છે.

આવો જાણીએ શું કહે છે સ્પેનનો નિયમ
સ્પેન સરકારના જણાવ્યા અનુસાર , આ નવા નિયમનો હેતુ પાલતુ પ્રાણીઓને યોગ્ય વાતાવરણ અને લાઇફસ્ટાઇલ પૂરી પાડવાનો છે. જેનાથી પાલતુ કૂતરાંઓની સામે ક્રૂરતા પણ અટકશે. નવા નિયમમાં કૂતરાને ઉછેરતા પહેલા ટ્રેનિંગ લેવી ફરજિયાત કરવામાં આવી છે.

એટલે કે જો કોઇ કૂતરાને ઉછેરવા માગે છે તો તેણે પહેલા કુતરાઓની ખાવાપીવાની આદતો, વર્તન વગેરે વિશેની મૂળભૂત માહિતી મેળવવી પડશે. આ સાથે જ આ લોકોએ એ સાબિત કરવું પડશે કે તે કૂતરાને ઉછેરવામાં સક્ષમ છે અને તેના માટે તેની પાસે પૂરતા પૈસા છે. તે બરાબર ડ્રાઇવિંગ લાઇસન્સ મેળવવા જેવું જ હશે.

પશુઓને 24 કલાકથી વધુ એકલા ન રહેવા દો
સ્પેન સરકારના જણાવ્યા અનુસાર આ નવા નિયમનો હેતુ પાલતુ પ્રાણીઓને યોગ્ય વાતાવરણ અને જીવનશૈલી પૂરી પાડવાનો છે. આનાથી તેમની સામે ક્રૂરતા પણ અટકશે. નવા નિયમમાં કૂતરાને ઉછેરતા પહેલા ટ્રેનિંગ લેવી ફરજિયાત કરવામાં આવી છે.

સ્પેનના નવા નિયમમાં એમ પણ કહેવામાં આવ્યું છે કે કૂતરા, બિલાડી જેવા પાલતુ પ્રાણીઓને 24 કલાકથી વધુ સમય સુધી ઘરમાં એકલા રાખી શકાય નહીં. જો આમ થતું જોવા મળે તો ઘરમાં જાનવરોને રાખવાનું લાયસન્સ રદ કરવામાં આવી શકે છે.

પ્રશાસનને સતત ફરિયાદો મળી રહી હતી કે લોકો પોતાના પાલતુ જાનવરોને ઘરમાં બંધ કરીને રજાઓ માણવા ઉપડી જાય છે. આ પ્રાણીઓને પણ ઘણી જગ્યાએથી બચાવી લેવામાં આવ્યા હતા.

બિલાડી પાળો છો તો નસબંધી કરાવો
સ્પેન પણ બિલાડીઓની વધતી વસ્તીને લઈને ચિંતિત છે. અહીં નોંધપાત્ર સંખ્યામાં બિલાડીઓ જોવા મળે છે. જેના કારણે ઘણી વખત બિલાડીઓ નાના બાળકોને મારી નાખે છે અથવા તો તેમને ખુલ્લામાં છોડી દે છે. આને રોકવા માટે નવા કાયદામાં બિલાડીના ઉછેર માટે નસબંધી કરવી ફરજિયાત કરી દેવામાં આવી છે.

જાનવરો ઘાયલ છે 18 મહિના, મૃત્યુ પામે છે 3 વર્ષની જેલ
સ્પેનના નવા કાયદામાં પ્રાણીઓ સાથે ક્રૂરતા આચરનારાઓને સજામાં સતત વધારો કરવામાં આવ્યો છે. આ મુજબ જો પશુ ઘાયલ થાય તો ગુનેગારને 18 મહિનાની સજા થઈ શકે છે અને મોતના કિસ્સામાં ગુનેગારને 3 વર્ષની સજા થઈ શકે છે. આ ઉપરાંત પાલતુ પ્રાણીઓ પ્રત્યે ક્રૂરતા આચરનારાઓને અટકાયતની પણ જોગવાઈ કરવામાં આવી છે.