તમારા શહેરના લેટેસ્ટ સમાચાર અને ફ્રી ઈ-પેપર મેળવો

Install App
  • Gujarati News
  • Lifestyle
  • No One Lives In The Whole Village Except The 86 year old For The Last 17 Years, Which Is A Wonderful Reason

Adsથી પરેશાન છો? Ads વગર સમાચાર વાંચવા ઈન્સ્ટોલ કરો દિવ્ય ભાસ્કર એપ

અમેરિકા:છેલ્લાં 17 વર્ષથી 86 વર્ષીય વૃદ્ધા સિવાય આખા ગામમાં કોઇ રહેતું નથી, ગજબ છે કારણ

8 દિવસ પહેલા

સામાન્ય નાનામાં-નાના ગામમાં પણ 100 કે 200 વ્યક્તિઓ તો રહેતા જ હોય. પરંતુ આ દુનિયામાં એક ગામ એવું પણ છે જ્યાંની વસ્તી ફક્ત એક વ્યક્તિની છે. આ આખા ગામમાં એક વયોવૃદ્ધ મહિલા સિવાય કોઈ રહેતું નથી. આ ગામનું નામ મોનોવી છે અને તે અમેરિકાના નેબ્રાસ્કા રાજ્યમાં આવેલું છે. 2010 ની જનગણના પ્રમાણે અહીં ફક્ત એક જ મહિલા રહેતી હતી અને હાલ પણ તે એક જ મહિલા રહે છે. જો કે હવે તેની ઉંમર 86 વર્ષની થઈ ગઈ છે. તેના કહેવા પ્રમાણે તે વર્ષ 2004 થી આ ગામમાં એકલી રહે છે. નવાઈની વાત તો એ છે કે તે ગામની મેયર, લાઈબ્રેરીયન અને બારટેન્ડરની ફરજ પણ નિભાવે છે.

લગભગ 54 હેકટરનું ક્ષેત્રફળ ધરાવતું આ ગામ પહેલા લોકોથી હર્યુભર્યું હતું. એક અહેવાલ પ્રમાણે વર્ષ 1930 સુધી અને 123 લોકો રહેતા હતા. ત્યારબાદ ધીમે-ધીમે વસ્તી ઘટતી ગઈ અને વર્ષ 1980 માં અહીં રહેનારા ફક્ત 18 લોકો જ બચ્યા. અને વર્ષ 2000 આવતા આવતા અહીં ફક્ત બે જ લોકો રહ્યા. તે બે લોકો એટલે ઉપરોક્ત 86 વર્ષની મહિલા એલસી આઇલર અને તેના પતિ રુડી આઇલર. 2004 માં રૂડીનું મૃત્યુ થતા અહીં રહેનારા તરીકે એલસી આઇલર એક જ વ્યક્તિ બચી અને તે અહીં 2004 થી એકલી રહે છે.

86 વર્ષીય એલસી ગામમાં એક બાર શોપ ચલાવે છે. જ્યારે આજુબાજુના રાજ્યના લોકો ગરમીના દિવસોમાં રજા ગાળવા આ પ્રાકૃતિક ગામમાં ફરવા આવે છે ત્યારે તેઓ એલસીના આ બાર શોપમાં રોકાય છે. એલસીએ બાર શોપમાં કામ કરવા કોઈ માણસો નથી રાખ્યા. મોટાભાગનું કામ તે જાતે જ કરે છે અથવા ક્યારેક અહીં આવેલા બહારના મહેમાનો પણ તેના કામમાં મદદ કરતા હોય છે.

આ ગામમાં એક પોસ્ટ ઓફીસ પણ છે જે વર્ષ 1902 માં બનાવવામાં આવી હતી પરંતુ ઘટતી જતી વસ્તીને કારણે તેને વર્ષ 1967 માં બંધ કરી દેવામાં આવી. આ ગામ છોડવાનું કારણ લોકોના ધંધા રોજગાર હતું. લોકો પોતાના સંતાનોના ભવિષ્ય માટે ગામ છોડીને શહેરોમાં વસવા લાગ્યા હતા.

અન્ય સમાચારો પણ છે...

આજનું રાશિફળ

મેષ
Rashi - મેષ|Aries - Divya Bhaskar
મેષ|Aries

પોઝિટિવઃ- આ સમયે ગ્રહ સ્થિતિ અનુકૂળ રહેશે. સન્માનજનક સ્થિતિઓ બનશે. વિદ્યાર્થીઓને કરિયરને લગતી કોઇ સમસ્યાનું સમાધાન મળવાથી ઉત્સાહમાં વધારો થશે. તમે તમારી કોઇ નબળાઇ ઉપર પણ વિજય પ્રાપ્ત કરવામાં સક્ષમ રહે...

વધુ વાંચો