કોરોના વોરિયર:આંધ્ર પ્રદેશમાં NCC ગર્લ્સ કેડેટે લોકોને મહામારીથી બચાવવા જાગૃતતા અભિયાન શરુ કર્યું, તેમની હેડ પ્રિયંકાની કમેન્ડેશન અવોર્ડ 2020 માટે પસંદગી થઈ

આંધ્ર પ્રદેશના કડાપા શહેરમાં NCC ગર્લ્સ કેડેટ કોરોનાવાઈરસ પ્રત્યે જાગૃતતા ફેલાવી રહ્યા છે. લોકડાઉન પૂરું થઇ ગયા પછી જાગૃતતા અભિયાનને આ કેડેટે પોતાની જવાબદારી સમજીને શરુ કર્યું. હાલ તેઓ માસ્ક સીવી રહ્યા છે અને તે ગરીબોમાં વેચી રહ્યા છે. અત્યાર સુધી તેમણે 2000 માસ્ક લોકોમાં વહેંચ્યા છે.

આ NCC કેડેટની હેડ NCC અસોસિયેટ ઓફિસર લેફ્ટનન્ટ પ્રિયંકા છે. આ કામ માટે પ્રિયંકાને તેલુગુના બે રાજ્યોમાં કમેન્ડેશન અવોર્ડ 2020 માટે પસંદ કરવામાં આવી છે. અવોર્ડ NCCના ડિરેક્ટર જનરલ આપશે. પ્રિયંકાએ 30 છોકરીઓના ગ્રુપની મદદથી અભિયાન ચલાવ્યું. આ છોકરીઓએ લોકોને કોરોનાથી બચાવવા માટે માસ્ક, હેન્ડ સેનિટાઈઝર અને ગ્લવ્ઝ આપ્યા.

કોરોનાની બીજી લહેર દરમિયાન પ્રિયંકાએ પોલીસની પણ ભરપૂર મદદ કરી. આ કેડેટે ખાણી-પીણીની દુકાનો અને શાકભાજીના સ્ટોલ્સ પર લાગેલી લાંબી લાઈનને કંટ્રોલ કરી. પ્રિયંકાએ યુનિટ સાથે વૃક્ષારોપણ અને બ્લડ ડોનેશન કેમ્પનું આયોજન પણ કર્યું.