• Gujarati News
  • Lifestyle
  • Meet Europes Oldest Plague Victim Earliest Strain Of The Bacteria Behind Black Death Is Discovered In A 5000 Year Old Skeleton In Latvia

14મી સદીમાં કહેર વરસાવનાર બેક્ટેરિયા:5 હજાર વર્ષ પહેલાં 'બ્લેક ડેથ' મહામારી ફેલાવનારા બેક્ટેરિયા પ્રાચીન શિકારીની ખોપરીમાં મળ્યા, જર્મની વૈજ્ઞાનિકોનો દાવો

4 મહિનો પહેલા
  • કૉપી લિંક
  • જર્મનીની કીલ યુનિવર્સિટીના રિસર્ચ પ્રમાણે, 'બ્લેક ડેથ' પ્લેગના બેક્ટેરિયાનો વંશ 7 હજાર વર્ષ જૂનો છે
  • 19મી સદીમાં મળી આવેલા શિકારીના કંકાળમાં 'યર્સિનિયા પેસ્ટિસ' બેક્ટેરિયા જોવા મળ્યા

જર્મનીના વૈજ્ઞાનિકોએ 5 હજાર વર્ષ જૂનાં એ બેક્ટેરિયાની શોધ કરી છે જેણે 14મી સદીમાં 'બ્લેક ડેથ' નામની મહામારી ફેલાવી હતી. બેક્ટેરિયાનું નામ 'યર્સિનિયા પેસ્ટિસ' છે, તેને એક પ્રાચીન શિકારીની ખોપરીમાંથી શોધવામાં આવ્યા છે. રિસર્ચ દરમિયાન આ સાબિત પણ થયું છે.

અત્યાર સુધી માનવામાં આવી રહ્યું હતું કે, 'બ્લેક ડેથ' પ્લેગના બેક્ટેરિયા 1 હજાર વર્ષ જૂનાં છે, પરંતુ નવાં રિસર્ચ પ્રણાણે તેનો વંશ 7 હજાર વર્ષ જૂનો છે. આ દાવો જર્મનીની કીલ યુનિવર્સિટીએ પોતાના તાજેતરના રિસર્ચમાં કર્યો છે.

મૃત્યુના સમયે શિકારીની ઉંમર 20થી 30 વર્ષની હતી
કીલ યુનિવર્સિટીના સંશોધક ક્રોસ કિયોરાનું કહેવું છે કે, અમને જે શિકારીના માથાના કંકાળમાંથી આ બેક્ટેરિયા મળ્યા છે, મૃત્યુના સમયે તેની ઉંમર આશરે 20થી 30 વર્ષની હતી. કંકાળને RV2039 નામ આપવામાં આવ્યું છે. લાટવિયાના રિન્નુકાલ્ન્સ વિસ્તારમાં આ શિકારીને આશરે 5 હજાર વર્ષ પહેલાં દફનાવામાં આવ્યો હતો. વૈજ્ઞાનિકોને આ શિકારીના હાડકાં 19મી શતાબ્દીમાં મળ્યા હતા. 2011માં આવા બીજા કંકાળ મળ્યા બાદ ફરી શોધ શરૂ કરવામાં આવી.

બેક્ટેરિયાએ કેવી રીતે સંક્રમિત કર્યા તેના પર હજુ પણ સસ્પેન્સ
જર્મન વૈજ્ઞાનિકોનું કહેવું છે કે, અત્યાર સુધી આવા 4 કંકાળ મળ્યા છે. તપાસમાં તેમનામાં ઘણી સંખ્યામાં બેક્ટેરિયા અને વાઈરસ મળ્યા. તેમનામાં યર્સિનિયા પેસ્ટિસ બેક્ટેરિયા પણ મળ્યા. જોકે બેક્ટેરિયાએ માણસને કેવી રીતે સંક્રમિત કર્યા તેનું કારણ વૈજ્ઞાનિકો શોધી શક્યા નથી.

દાંતની તપાસમાં સામે આવ્યું કે શિકારીનું મૃત્યુ બ્લડ ઈન્ફેક્શનને કારણે થયું હતું.
દાંતની તપાસમાં સામે આવ્યું કે શિકારીનું મૃત્યુ બ્લડ ઈન્ફેક્શનને કારણે થયું હતું.

મૃત્યુ સમયે લોહીમાં મોટી સંખ્યામાં બેક્ટેરિયાની હાજરી
માથાના કંકાળમાં રહેલા દાંતની તપાસ કરવામાં આવી. આ તપાસમાં વાત સામે આવી કે, મૃત્યુના સમયે તેમના લોહીમાં આ બેક્ટેરિયા ઘણી માત્રામાં હતા. તેનાથી માલુમ પડે છે કે શિકારીનું મૃત્યુ બ્લડ ઈન્ફેક્શનને કારણે થયું. વૈજ્ઞાનિકોનું કહેવું છે કે, હાલ આ વાતની તપાસ ચાલી રહી છે કે વર્તમાનમાં આ બેક્ટેરિયાથી માણસોમાં કેટલું જોખમ હોઈ શકે છે.

યુરેસિયા અને ઉત્તર આફ્રિકામાં કહેર વરસાવ્યો હતો
વૈજ્ઞાનિકોના જણાવ્યા પ્રમાણે, 14મી સદીમાં યર્સિનિયા પેસ્ટિસે યુરેસિયા અને ઉત્તર આફ્રિકામાં કહેર વરસાવ્યો હતો. બેક્ટેરિયાની તપાસમાં સાબિત થયું કે, યર્સિનિયા પેસ્ટિસના પૂર્વજ એટલા સંક્રામક અને જીવલેણ નહોતો જેટલા આ હતા. નિયોલિથિક કાળમાં પશ્ચિમ યુરોપમાં આવા બેક્ટેરિયાને કારણે માણસોની વસતીમાં ઘટાડો થયો હતો.