અલર્ટ:એક વર્ષમાં 10 પેકેટ સિગારેટ પીઓ છો તો 27% સુધી બ્રેન સ્ટ્રોકનું જોખમ, જાણો શું છે સ્ટ્રોક અને કેવી રીતે બચશો

સ્મોકિંગ પર થયેલું નવું રિસર્ચ કહે છે કે, જો તમે એક વર્ષમાં 10 પેકેટ સિગારેટ પીઓ છો તો બ્રેન સ્ટ્રોકનું જોખમ 27% સુધી રહે છે. ‘સ્ટ્રોક જર્નલ’માં પલ્બિશ થયેલાં રિસર્ચ પ્રમાણે, આ સમજવા માટે 40થી 69 વર્ષની ઉંમરના 4 લાખ લોકોનો જિનેટિક ડેટા એકત્રિત કરવામાં આવ્યો હતો. અમેરિકાના યેલ સ્કૂલ ઓફ મેડિસીનમાં થયેલાં રિસર્ચમાં સાબિત થયું છે કે સ્ટ્રોક અને સ્મોકિંગ વચ્ચે સીધું કનેક્શન છે.

બ્રેન સ્ટ્રોક શું છે અને તેનું જોખમ કેવી રીતે ઓછું કરી શકાય છે આવો સમજીએ...

શું છે બ્રેન સ્ટ્રોક?
બ્રેન સ્ટ્રોકના કેસ ત્યારે સામે આવે છે જ્યારે બ્રેન સુધી લોહી પહોંચાડનાર ધમની ડેમેજ થઈ જાય છે. અથવા તેમાં બ્લોકેજ થવાને કારણે બ્રેન સુધી લોહી પહોંચતું નથી. આવું થવા પર મગજ સુધી બ્લડ અને ઓક્સિજન નથી પહોંચતો.

અમેરિકાની સૌથી મોટી સ્વાસ્થ્ય એજન્સી CDCના જણાવ્યા પ્રમાણે, ઓક્સિજન ન પહોંચવાને લીધે મગજની કોશિકાઓ મિનિટોમાં નાશ પામવા લાગે છે અને આ જ રીતે દર્દી બ્રેન સ્ટ્રોકથી પીડિત બને છે.

કયાં લક્ષણો દેખાતાં અલર્ટ થઈ જવું?
એક્સપર્ટના જણાવ્યા પ્રમાણે, હાથ, ચહેરા અને પગની એક તરફનો ભાગ સુન્ન થઈ જાય તે મોટું લક્ષણ છે. આ સિવાય અવાજ સ્પષ્ટ ન નીકળવો, વસ્તુઓ જોવામાં સમસ્યા થવી, ચક્કર આવવા અને અચાનક માથાનો દુખાવો તેનાં લક્ષણ છે. આવાં કોઈ પણ લક્ષણો જણાય તો તાત્કાલિક દર્દીને હોસ્પિટલ લઈ જાઓ.

હવે વાત તેનાથી બચવાની, આ 5 વાતો સ્ટ્રોકનું જોખમ ઓછું કરશે