• Gujarati News
  • Lifestyle
  • Global Warming; Himalayan Glaciers Or Snow Melting 10 Times Faster, Raise Global Sea Levels

ગ્લોબલ વોર્મિંગની અસર:હિમાલયનું ગ્લેશિયર 10 ગણું ઝડપથી પીગળી રહ્યું છે, સમુદ્ર જળ સ્તર વધ્યું, કરોડો ભારતીયો પર જળ સંકટનું જોખમ

એક મહિનો પહેલા
  • કૉપી લિંક
  • વૈજ્ઞાનિકોએ માન્યું, હિમાલયનું ગ્લેશિયર પીગળવાનું કારણ માનવ પ્રેરિત ક્લાઈમેટ ચેન્જ છે

એન્ટાર્કટિકા અને આર્કટિક પછી ગ્લેશિયર બરફનો ત્રીજો મોટો સ્ત્રોત હિમાલય છે, પણ ગ્લોબલ વોર્મિંગને લીધે ગ્લેશિયર એબ્નોર્મલ ગતિથી પીગળી રહ્યો છે. સાયન્સ જર્નલ સાયન્ટિફિક રિપોર્ટમાં પબ્લિશ લેટેસ્ટ રિપોર્ટ પ્રમાણે, ગ્લેશિયર પીગળવાથી એશિયામાં ગંગા, બ્રહ્મપુત્ર અને સિંધુ નદીનવા કિનારે રહેતા કરોડો ભારતીયો પર જળ સંકટ આવી શકે છે.

વૈજ્ઞાનિકોએ કહ્યું, 400થી 700 વર્ષ પહેલાંની સરખામણીએ છેલ્લા ઘણા દાયકામાં હિમાલયના ગ્લેશિયર 10 ગણા ઝડપથી પીગળી રહ્યા છે. વર્ષ 2000 પછીથી સ્પીડ વધી ગઈ છે.

બરફ પીગળવાની સ્પીડ ‘લિટલ આઈસ એજ’ની સરખામણીએ 10 ગણી વધારે
બ્રિટનમાં લીડ્સ યુનિવર્સીટીના સંશોધકોના જણાવ્યા પ્રમાણે, હાલ હિમાલયમાં બરફ પીગળવાની સ્પીડ લિટલ આઈસ એજથી આશરે 10 ગણી વધારે છે. લિટલ આઈસ એજનો પિરિયડ 16થી 19મી સદી દરમિયાન હતો. હિમાલયનો ગ્લેશિયર અન્ય માઉન્ટેન કરતાં ઝડપથી પીગળી રહ્યો છે.

આ રીતે થયું રિસર્ચ
​​​​​​​વૈજ્ઞાનિકોની ટીમે લિટલ આઈસ એજ દરમિયાન હિમાલયની સ્થિતિનું પુનઃનિર્માણ કર્યું. 14,798 ગ્લેશિયરની બરફની સપાટી અને આકારના સેટેલાઇટ ફોટો ક્લિક કર્યા. તેનાથી ખબર પડી કે, આજની તારીખમાં હિમાલય ગ્લેશિયરનો 40% ભાગ ખોઈ ચૂક્યો છે. તેનો વિસ્તાર 28,000 વર્ગ કિલોમીટરથી ઘટીને 19,600 વર્ગ કિલોમીટર સુધી પહોંચી ગયો છે.

વિશ્વભરમાં સમુદ્રનું જળસ્તર
રિસર્ચમાં સામેલ રિસર્ચરે જણાવ્યું, અત્યાર સુધી હિમાલયમાં 390થી 580 વર્ગ કિલોમીટરનો બરફ પીગળી ચૂક્યો છે. આને લીધે સમુદ્રમાં જળસ્તર 0.03થી 0.05 ઇંચ વધી ગયું છે. આ ઉપરાંત હિમાલયના પૂર્વ વિસ્તારમાં ખૂબ ઝડપથી બરફ પીગળી રહ્યો છે. પૂર્વ વિસ્તાર ભૂટાનની ઉત્તર તરફ ફેલાયેલો છે.

પાણી માટે કરોડો લોકો વલખા મારશે
વૈજ્ઞાનિકોએ માન્યું કે, હિમાલયનું ગ્લેશિયર પીગળવાનું કારણ માનવ પ્રેરિત ક્લાઈમેટ ચેન્જ છે. સમુદ્રમાં પાણી વધી રહ્યું છે અને માણસોના ઉપયોગમાં આવે તે પાણી ઘટી રહ્યું છે. આવનારા સમયમાં કરોડો લોકોને પાણી, ભોજન અને એનર્જીની અછત પડી શકે છે. તેનું સૌથી વધારે જોખમ એશિયામાં ગંગા, બ્રહ્મપુત્ર અને સિંધુ નદીને કિનારે રહેતા લોકો પર છે.